牛大人台灣火鍋吃到飽 (荷李活商業中心)

營業中

休息中

牛大人澳洲極上和牛放題都係$318喳，食足120分鐘，任食M5澳洲和牛牛肩同大量台式火鍋配料及小食，真係抵食，所以又再訂位過嚟食。期間限定北海道十勝豚同埋章魚珍珠漿千期唔可以錯過。十勝豚極之嫩滑，章魚珍珠漿彈牙脆口。套餐獨有的安格斯牛小排、手切封門柳及M5牛肩卷當然要不斷追加喇，另外入座之後送個兩粒M9和牛牛丸都係好嘢嚟。十款特色湯鍋試咗牛大人推介嘅台灣鳯梨鷄鍋，係比起麻辣同埋牛骨，係清新一D嘅選擇，唔洗咁heavy。