小麻吉滷肉飯 (已結業)

有日同朋友係旺角搵野食，通常諗唔到食乜就會走入女人街左搵右搵，最後見到呢個台灣野裝修幾靚，野食又幾岩食咁，就決定揀呢間黎試一試。等左一陣左右就入得去，同朋友去到叫左兩個晚市套餐（唔記得影餐牌），每個$60，有一個主食，兩個小菜，加湯同埋前菜，加多$5有台式野飲，真係超級抵食！肉燥飯＋牛腩牛筋＋蔥油淋青菜肉燥飯＋鹽酥雞＋滷豬大腸肉燥飯多肉汁，好送飯，小菜味道都唔錯，而且呢個套餐真係好大份，到最後朋友同我都食唔曬（無衣食），埋單都係百幾蚊，真係超級抵！