品坊 (已結業)

我地一行15人6:30pm就到，當然只得二幾個人喺入面坐，都未完全開始，不得15分鐘陸續就有許多人到場，差唔多9成9爆滿，大部份都係年輕既男女，超利害!!跟住我地當然去睇下有咩好食，好多款式選擇，比起許多5星酒店還要多，凍盤方面有三文魚同海螺都好肥美同新鮮，仲有蟹脚同鵝肝都好好食，而且不停咁供應，絕無缺貨，到熱盤方面有煙野豬肶、日式和牛、蟹年糕、龍蝦仔、咖喱牛腩、燒魚、羊架、XO醬炒青口都做得好入味，仲有飯同波菜面，而且個蟹肉南瓜湯好超正，味道好吸引，夠熱又夠濃，飲到唔停得口，個印度薄餅都好好，一d都唔肥，加埋咖喱牛腩或羊腩一齊食簡直一流，都有成十幾二十種熱盤架，點都有好多款比你揀到，至於沙律同水果都好新鮮同甜，而蛋糕方面有成5,6款，當中樹頭蛋糕，正! 芒果芝士蛋糕都好啱食，萍果批、 葡撻都好好食，而雪糕當然唔需要多講啦，我班朋友都食好多，其中一個食左成3杯，最後仲有金箔高力豆沙，待應又收碟收得快，服務態度又好，地方又新，我地都食到7點幾就要飲消滯茶先可以繼續食，再成到成9點幾先走，埋單打埋8折都係$254，成班friend都話好抵，連隔離抬既人都話超抵d friend話下次屋企有咩