甜在心 (已結業)

今日到盈豐商場搵個朋友食晏，因為係佢地頭梗係聽哂佢支笛食乜啦。問佢食乜嘅時候仲話係秘密，咁神秘搞到我有啲期待。行到門口，「甜在心」？甜品店喎，有冇去錯呀？原來間甜品店仲有lunch食架。朋友一直講話啲食物好好，所以就隨便點左個「蜜薯豬頸肉配菜飯」。嘩，真係好味，啲蜜薯唔會太甜岩岩好，豬頸肉夠「淋」又香。價錢係$43蚊呀，可能因為鋪頭比較偏，一個大眾化嘅價錢。呢個秘密食店果然冇令我失望，下次繼續食好西。