Le Viet (已結業)

Le viet的精選套餐好抵食，星期日都吸引左好多人前來食飯。旺角分店面積好大，裝修好新正。我地嗌左一個套餐，再散嗌其他野，選擇十分豐富。豬肉串配炒飯，豬肉串烤得入味，肉質好嫩，一d都唔鞋，點上沙爹醬，送飯一流。套餐跟餐飲，抵食！我地散嗌左咖哩蟹殼蟹配法包，咖哩煲糸用爐暖住上枱，一路加熱一路食，軟殼蟹同法包另上，好似打邊爐咁將野食丟入咖哩煲入面！軟殼蟹仲有好多薯仔，將佢一起丟入咖哩煲，非常惹味，薯仔相當綿密。甜品方面，今天食左個法式燉蛋同埋緑豆椰汁糕，全部系新鮮整出來。法式燉蛋不會太甜，味道好好。我尤其鐘意綠豆椰汁糕，新鮮整出來，仲暖暖地，一片一片剝落，好Q好香，不算甜，非常易入口。