影片
更多
2014-01-24
4447 瀏覽
華商係我平時喜愛午飯去開餐嘅地方之一，無論午市或晚市都座無虛席，必須預早訂位。 食物份量都好足，小菜煮功出色穩定，點心款式時有更換味道一流，而份量頗足夠抵食。 店員雖然忙個唔停但同食客都有傾有講，態度親切。一行四人約定去飲茶，可能冬天無論體溫、體力都消耗得好快，行唔夠10分鐘路程上到去酒樓都不約而同大叫肚餓，好彩所叫食物雖然即叫即造但仍能迅速送上。糯米包每次有都會吹，傳統款式用黃色嘅皮包住炒得又香又多料嘅糯米飯。外皮唔會蒸到好濕保持乾身，糯米飯粒粒分明無黐埋一舊。 秋冬時候會供應炒糯米飯，差唔多每枱都叫大受歡迎。燒賣係豬肉餡為主混有蝦肉同冬茹，夠實淨無散開又唔會硬，味道好鮮。梅子排骨酸酸地幾開胃，肉排服瘦均衡，大小適中。腐皮卷每次都會叫，好大件腐皮炸得鬆化，輕輕一咬就即刻碎晒，裡面有鮮甜蝦肉同爽口馬蹄，一次過有唔同口感。 炸蝦角即炸蝦餃，餡料有大蝦仁同少量筍絲，外面炸得香脆入面保持肉汁，連埋沙律醬食非常滋味。沙薑雞腳係非常搶手好快會賣晒。雞腳係用正常細細隻size，用沙薑湯汁炆煮得又淋又滑入晒味，明顯有叻於一般急凍貨色，雞腳膠質好重，食完個嘴都黏住晒。炒粉麵飯所有都做得出色，大大碟足夠
一行四人約定去飲茶，可能冬天無論體溫、體力都消耗得好快，行唔夠10分鐘路程上到去酒樓都不約而同大叫肚餓，好彩所叫食物雖然即叫即造但仍能迅速送上。糯米包每次有都會吹，傳統款式用黃色嘅皮包住炒得又香又多料嘅糯米飯。外皮唔會蒸到好濕保持乾身，糯米飯粒粒分明無黐埋一舊。 秋冬時候會供應炒糯米飯，差唔多每枱都叫大受歡迎。
燒賣係豬肉餡為主混有蝦肉同冬茹，夠實淨無散開又唔會硬，味道好鮮。梅子排骨酸酸地幾開胃，肉排服瘦均衡，大小適中。
腐皮卷每次都會叫，好大件腐皮炸得鬆化，輕輕一咬就即刻碎晒，裡面有鮮甜蝦肉同爽口馬蹄，一次過有唔同口感。 炸蝦角即炸蝦餃，餡料有大蝦仁同少量筍絲，外面炸得香脆入面保持肉汁，連埋沙律醬食非常滋味。
沙薑雞腳係非常搶手好快會賣晒。雞腳係用正常細細隻size，用沙薑湯汁炆煮得又淋又滑入晒味，明顯有叻於一般急凍貨色，雞腳膠質好重，食完個嘴都黏住晒。
炒粉麵飯所有都做得出色，大大碟足夠六個人以上分。 今次叫咗厦門炒米粉菜牌無咖不過一般大路款式都可以嘗試叫，米粉炒很爽身入味又有濕潤質感，有蝦仁、叉燒、蛋絲、西椒絲、韮黃、等等，材料豐富夠鑊氣。
焗西米布甸係朋友至愛，點心紙寫明需時20分鐘，所以點心一到就要叫咖喇，新鮮熱騰騰送上小心燙口，西米唔多不過吉士蛋醬味道有蛋香又有奶香好滑身，一定要趁熱食。
最後每日都會有一款糖水奉送，款式有傳統嘅紅豆、綠豆、花生、木瓜雪耳，亦都有少見嘅桑寄生、黑豆。
題外話/補充資料：
會員制
(以上食評乃用戶個人意見 , 並不代表OpenRice之觀點。)
張貼
