影片
更多
2019-03-25
1808 瀏覽
旺角有唔少抵食韓烤放題， 今晚去咗頗受歡迎嘅平昌。 餐廳就喺兆萬中心， 揀咗最早嘅時段， 還好不用等位就入坐了。好地道嘅韓國平民烤肉餐廳， 圓桌圓櫈方便朋友聚會暢飲。 平日入場任飲任食都係$188 (大君御膳)， 呢個價錢絕對冇得輸， 因為除咗烤肉 仲有其他地道嘅韓式料理。 其他傳統韓國餐廳一碟 烤肉都唔止呢個價錢。前菜豐富 ~肉類主要分豬，牛，海鮮。牛肉可以試吓牛五花肉同牛肋條。烤牛肋條尤其出色， 切得細細塊好快就烤熟， 完全冇醃過，少少脂肪，咬落勁juicy 軟腍有肉味。 烤LA牛肋骨相對亦唔錯。 牛仔骨雖然冇醃製過， 但一D都唔韌， 仲好有肉味。另一款比較薄身嘅漬牛肉亦不要錯過， 入味又juicy！海鮮有生蠔，蝦，魷魚和鯖魚。 生蠔唔算肥美， 燒完之後更加會縮水， 建議臨食之前再 把蠔肉直接放上去烤一會， 會更加香口 有蠔味。 因為生蠔本身冇調味， 隔住蠔殼嘅蠔水 煮熟隻蠔 完全唔 鮮味。燒青魚太難掌握， 魚皮容易黐底， 令整個烤鑊充滿魚味。海蝦唔錯 ，雖然細隻 但亦鮮甜。純豆腐海鮮湯， 同韓國餐廳單點嘅湯一樣熱辣辣上， 味道正宗 帶點嗆辣， 海鮮味濃，細細嘅份量啱啱好！海帶湯亦
旺角有唔少抵食韓烤放題， 今晚去咗頗受歡迎嘅平昌。 餐廳就喺兆萬中心， 揀咗最早嘅時段， 還好不用等位就入坐了。
好地道嘅韓國平民烤肉餐廳， 圓桌圓櫈方便朋友聚會暢飲。 平日入場任飲任食都係$188 (大君御膳)， 呢個價錢絕對冇得輸， 因為除咗烤肉 仲有其他地道嘅韓式料理。 其他傳統韓國餐廳一碟 烤肉都唔止呢個價錢。
前菜豐富 ~
肉類主要分豬，牛，海鮮。
牛肉可以試吓牛五花肉同牛肋條。烤牛肋條尤其出色， 切得細細塊好快就烤熟， 完全冇醃過，少少脂肪，咬落勁juicy 軟腍有肉味。 烤LA牛肋骨相對亦唔錯。 牛仔骨雖然冇醃製過， 但一D都唔韌， 仲好有肉味。
另一款比較薄身嘅漬牛肉亦不要錯過， 入味又juicy！
海鮮有生蠔，蝦，魷魚和鯖魚。 生蠔唔算肥美， 燒完之後更加會縮水， 建議臨食之前再 把蠔肉直接放上去烤一會， 會更加香口 有蠔味。 因為生蠔本身冇調味， 隔住蠔殼嘅蠔水 煮熟隻蠔 完全唔 鮮味。
燒青魚太難掌握， 魚皮容易黐底， 令整個烤鑊充滿魚味。
海蝦唔錯 ，雖然細隻 但亦鮮甜。
純豆腐海鮮湯
201 瀏覽
0 讚好
0 留言
純豆腐海鮮湯， 同韓國餐廳單點嘅湯一樣熱辣辣上， 味道正宗 帶點嗆辣， 海鮮味濃，細細嘅份量啱啱好！
海帶湯亦唔錯， 食完烤肉飲特別舒服。
飲品櫃都有啤酒，汽水，茶類任飲。
22 瀏覽
0 讚好
0 留言
燒鰻魚一大塊上， 毫不吝嗇， 燒到脆皮非常美味。 坊間一客鰻魚飯都係咁上下size， 超回本！
冷麵 - 裏面冇冰亦唔夠凍， 室溫嘅湯麵有啲卻步， 不過麵條食落煙韌，清清地 都差不多吃掉。
韓式炒粉絲 - 炒得乾身，入味， 粉絲仲好煙韌彈牙！
蔬菜類，有茄子，菇和薯仔。 切薄片嘅菇和茄子最為惹味。
辣泡菜湯 - 同樣係滾熱辣上， 泡菜都煲到好腍， 成碗湯都充滿泡菜嘅辛， 辣度越食越過癮。
竟然有廚師腸， 自從炒貴咗冇咩點食~
韓式雜錦飯 - 味道和銅器皿都非常正宗， 但就係個白飯材料怪怪的， 唔軟熟但又唔係生米..
烤雞翼 - 總覺很非常費時， 燒完之後好易燶， 但這裏的雞翼燒完後肉質仍好滑，又入味。
辣醬豬肉， 味道唔錯可以一試。
愈坐愈多人，氣氛一流， 價錢唔貴嘅烤肉放題 絕對值得一試。
張貼
