呢度有好多游水鮮蝦，可以即整即食，超新鮮！
我地除左燒左蝦又外，仲試左鱔，好滑，好嫩，真係好值得食呀！
蝦仔都好新鮮，隻隻游水！
我地靜候蝦熟！
我地仲食左雞翼，雞翼有蒜香同黑椒，兩款都好惹味，我地每人食左5隻，大力推介！
仲食左羊架同羊肉串，羊唔蘇，好新鮮，肥瘦均勻，好夠香！
我地仲食左小甜薯，好味到食左4串！仲有腐皮卷都係不錯既選擇，燒完脆卜卜，十分香口！
飲品方面正常發揮，飲左烏龍茶、可樂！
選擇好多，任君選擇！
雪糕都好有驚喜，我試左豆腐雪糕，無諗過會咁清新同咁滑，細細杯，我忍唔住食左3杯先走。
而且呢度蝦、鮑魚，各種海鮮都任食，食左咁多，今晚實在係太滿足啦！
