香港18餐廳 (已結業)

最近被調到去鴨脷洲工作，此處對我來說實在非常陌生，中午吃飯都要靠同事指點，才知道可以去海怡商場食飯。今日，他就帶我去香港18。同事說，中午時段，這個商場間間食店都會爆棚，較為易搵到位的要數這一間了，因為格錢會較一般連鎖快餐店貴少許。在此處，貴少少的有得食，平的選擇亦唔少。我們都選了較平宜的午市套餐。【羅宋湯】好足料，夠濃，夠酸，飲得出加了很多檸檬汁，都好飲嘅。【餐包】烘熱咗，搽上牛油，香口好多。【台式肉燥豬頸肉飯 $55】是台式大碗飯，份量當然唔嘢少。煎香咗嘅豬肉爽口有口感，肉燥香，但不油膩，仲有半隻台式鹵蛋添。同事話，佢經常來這裡，這個飯食極都唔厭。【洋蔥香草汁豬扒飯 $55】份量都多㗎，有兩塊大豬扒，洋蔥香草汁又夠味，撈埋白飯就至啱。【咖啡、檸茶】跟餐仲有熱飲。家下去連鎖快餐店食飯，熱飲都要加收 $6 啦。所以，我們的結論都是，這裡抵食過連鎖快餐店好多，真是英雄所見略同。