黑木亭居酒屋 (金馬倫道)

✨抵食午市日式居酒屋🍱週末放鬆二人餐（只限星期六日及公眾假期）原價要$568 依家優惠價只需要$398真係超級抵🥹🥹🥹首先出面有免費自助沙律吧仲有小食同麵豉湯可以選擇套餐包括：1. 指定刺身：三文魚,油甘魚,八爪魚2. 指定卷物：鰻魚牛蒡炸蝦卷🍤炸蝦係即炸所以食落脆卜卜牛蒡甜甜地好爽口再加埋炙燒過嘅鰻魚油脂咁大飽發🤩3. 任選兩款定食：👍🏻流心熔岩蛋三文魚飯流心蛋撈日本產既白米飯上面鋪滿左口切嘅炙燒三文魚👍🏻壽喜燒定食(牛)配烏冬牛肉品質相當唔錯絕對唔係打邊爐食嗰種肥牛另外配料有大蔥、豆腐、蒟蒻絲、冬菇 etc.讚岐烏冬吸左壽喜燒嘅醬油湯底之後更加好食🤤4. 甜品：芒果🥭/雲呢拿雪糕