螢火

午市時間過左黎尖沙咀品嚐鐵板燒，食鐵板燒有時除左味覺享受之外，我更加喜歡視覺、互動體驗，靚仔廚師親自係你面前烹調，間唔中又會介紹菜式再傾下計，呢種感覺好放鬆！介紹食物之前，特別介紹餐廳風格，主要色調以時尚黑，再用暖色射燈營造優雅效果，另外仲有專屬鐵板燒房間可以預約。最為獨特既係可以天燈許願，餐廳提供平板可以任意寫字畫畫，然後係投影器以天燈形式投射出黎打卡，慶祝生日、紀念日真係唔錯既選擇！午市套餐 星/月 (一人前) $380煙鴨胸沙律、帆立貝/鵝肝多士、汁煮白鱈魚、大蝦/廣島蠔、美國牛肉薄燒/厚燒、櫻花蝦炒飯、漬物、麵豉湯、甜品一人前既份量非常足夠，而且質素都好高。當中既帆立貝利用黑魚子放上面，立即高貴；白鱈魚以刀功將魚皮分離，再鐵板燒到卜卜脆插上魚肉身上；美國牛肉無論厚薄都好嫩滑可口；燶邊太陽蛋放上櫻花蝦炒飯，蛋汁流落有鑊氣既炒飯，完美配搭；甜品紅豆抹茶布丁，布丁茶香味重！同埋係平板畫天燈既環節寫左我朋友Happy Birthday，然之後打卡影相，最尾餐廳仲奉上生日碟，非常用心、服務到位既餐廳！整體性價比真係非常之高，適合紀念日、生日等慶祝活動，一早預約再講埋生日活動亦都可能有其他