影片
更多
2018-01-27
51 瀏覽
同表妹行開哩頭，見有啲餓，就行入商場度搵嘢食。表妹一向最鍾意食拉面，係底層食肆一兜就見到哩間充滿日式居酒屋風味的拉面店。由於接近下午打烊的時段，店內唔算多人。啲四人檯好寬鬆，同六人卡位差唔多。除咗店內日常供應午餐定食拉面同小食外，侍應姐姐仲好親切咁溫馨提示我哋有是日精選推介。環境清靜又坐得舒服，見到啲小食價錢又實惠，決定試多幾款。（其實係選擇困難見到咁平點可以唔揀多幾樣）等咗唔係好耐，啲嘢食就陸續送上。我點咗餐牌上完全無圖片，用手寫既貼紙「安格斯牛肋條飯」。結果出乎意料地好味，值得一試再試。唔好睇佢咁大舊，但一啲都唔會鞋唔會韌，啲肉汁滲曬入牛肋條的肉入面，越嚼越滋味，齒頰留香，送飯真係一流。順帶一提，蒸蛋好滑，淡淡蛋香，千祈唔好錯過。表妹揀咗豚軟骨拉面，分咗一舊豚軟骨我食。可能係我食過最冧最入味既豚軟骨啦。我聽講唔係個個人食豬軟骨都會將舊軟骨食埋，但minipapa一向會食埋。佢哩度豚軟骨啲肉冧得嚟唔會散之餘，佢啲骨好容易咬，冧果種程度有啲似硬身少少既牛筋，而且仲有啲膠質果種少少癡牙感覺。兩個主食都證明火候同醃肉都非常好。跟餐餃子，有三隻咁多，抵食。最愛食雞軟骨，好好味，雞腎略嫌乾咗少
由於接近下午打烊的時段，店內唔算多人。啲四人檯好寬鬆，同六人卡位差唔多。除咗店內日常供應午餐定食拉面同小食外，侍應姐姐仲好親切咁溫馨提示我哋有是日精選推介。環境清靜又坐得舒服，見到啲小食價錢又實惠，決定試多幾款。（其實係選擇困難見到咁平點可以唔揀多幾樣）
等咗唔係好耐，啲嘢食就陸續送上。我點咗餐牌上完全無圖片，用手寫既貼紙「安格斯牛肋條飯」。結果出乎意料地好味，值得一試再試。
安格斯牛肋飯
$58
12 瀏覽
0 讚好
0 留言
唔好睇佢咁大舊，但一啲都唔會鞋唔會韌，啲肉汁滲曬入牛肋條的肉入面，越嚼越滋味，齒頰留香，送飯真係一流。順帶一提，蒸蛋好滑，淡淡蛋香，千祈唔好錯過。
豚軟骨拉面
$72
10 瀏覽
0 讚好
0 留言
表妹揀咗豚軟骨拉面，分咗一舊豚軟骨我食。可能係我食過最冧最入味既豚軟骨啦。我聽講唔係個個人食豬軟骨都會將舊軟骨食埋，但minipapa一向會食埋。佢哩度豚軟骨啲肉冧得嚟唔會散之餘，佢啲骨好容易咬，冧果種程度有啲似硬身少少既牛筋，而且仲有啲膠質果種少少癡牙感覺。
兩個主食都證明火候同醃肉都非常好。
跟餐餃子，有三隻咁多，抵食。
最愛食雞軟骨，好好味，雞腎略嫌乾咗少少。
雞翼煎得好透，食落唔會好硬，香口。肉眼串好juicy，同牛肋肉一樣越嚼越香。
多春魚可以點跟餐小食，但我嫌兩條唔夠，所以自己單點既小食。估唔到咁大條，燒出嚟又唔會完全乾爭爭果種，而且魚子好多。不過可能因為鹽燒，有點偏鹹。
鹽燒五花腩我原先仲以為一舊舊果種，點知係一塊塊，仲要咁厚，同我平時去韓燒果種薄身完全唔同。而且火候十足，又唔會流失曬啲肉汁。咁多樣小食我最鍾意哩款。
兩個人食咗咁多真係好飽，而環境好舒服，又唔會似大商場啲食肆咁要食到滾水碌腳咁，仲要食咗咁多嘢先三百幾。真係幾抵食。
張貼
