影片
更多
2023-11-15
199 瀏覽
今日下午唔知食乜，時間尚早，見牛駅難得仲有位，一於食火鍋放題。我哋揀咗$228一位嗰個餐，加咗$48要鴛鴦湯底。清甜椰子雞鍋+藥膳牛骨鍋兩個鍋都真材實料，椰子雞鍋好多椰子件，一大嚿雞仲有啲杞子，真係幾清甜。藥膳牛骨鍋除咗有巨型牛骨之外，仲有好多蟲草花，紅棗等，啲湯好濃郁，散發陣陣藥材香氣。真係要飲多幾啖湯先開始火鍋。來牛駅當然要狂食牛，我哋主打食呢個美國黑毛和牛，睇見個鮮紅色已經好吸引，佢淥一淥就食得，質地軟腍，富油香。另外，美國牛肩胛肉都唔錯，佢肉味會較濃厚。自助火鍋配料吧食物選擇真係好多，很多款優質丸，例如芝心牛丸，巨型蟹棒，蛋餃，巨型魚蛋，等等。有一款哈哈笑丸入邊係鹹蛋奶黃流心，超正。另外芝心牛丸會爆漿，食嘅時候要小心，芝士控一定愛。蔬菜吧有水蓮，萵筍，生菜，菠菜，蘿蔔等等應有盡有。自助吧有幾款熟食，有蛇羹同糯米飯，有d驚喜。我鍾意食佢嘅炸魚皮同埋響鈴，好新鮮香脆。甜品櫃亦有多款選擇，例如牛乳布丁，豆腐花，泡芙等等。當然仲有雪糕雪條， Häagen-Dazs雪糕一定係回本之選，我就食咗兩款味道，集會同埋曲奇味。總括而言，呢度嘅湯底，牛肉同埋丸類都很不錯，下午來食，仲可以12點坐到
清甜椰子雞鍋+藥膳牛骨鍋
兩個鍋都真材實料，椰子雞鍋好多椰子件，一大嚿雞仲有啲杞子，真係幾清甜。藥膳牛骨鍋除咗有巨型牛骨之外，仲有好多蟲草花，紅棗等，啲湯好濃郁，散發陣陣藥材香氣。真係要飲多幾啖湯先開始火鍋。
來牛駅當然要狂食牛，我哋主打食呢個美國黑毛和牛，睇見個鮮紅色已經好吸引，佢淥一淥就食得，質地軟腍，富油香。
另外，美國牛肩胛肉都唔錯，佢肉味會較濃厚。
自助火鍋配料吧食物選擇真係好多，很多款優質丸，例如芝心牛丸，巨型蟹棒，蛋餃，巨型魚蛋，等等。有一款哈哈笑丸入邊係鹹蛋奶黃流心，超正。另外芝心牛丸會爆漿，食嘅時候要小心，芝士控一定愛。
蔬菜吧有水蓮，萵筍，生菜，菠菜，蘿蔔等等應有盡有。自助吧有幾款熟食，有蛇羹同糯米飯，有d驚喜。我鍾意食佢嘅炸魚皮同埋響鈴，好新鮮香脆。
甜品櫃亦有多款選擇，例如牛乳布丁，豆腐花，泡芙等等。當然仲有雪糕雪條， Häagen-Dazs雪糕一定係回本之選，我就食咗兩款味道，集會同埋曲奇味。
總括而言，呢度嘅湯底，牛肉同埋丸類都很不錯，下午來食，仲可以12點坐到4點，性價比極高。
張貼
