令和鍋物酒場

營業中

休息中

今次去到位於旺角嘅令和鍋物酒場，試咗佢哋嘅「令和二人前」套餐！🥗富士山火焰脆脆薯仔沙律一上枱就已經夠晒吸睛，薯仔沙律口感豐富，脆脆嘅薯片碎口感令人一試難忘，餐廳仲附上咗一小兜薯片，唔夠可以再落落去個薯仔沙律度🤣🤣🍱三品刺身盛合刺身包括帶子、三文魚等，新鮮得嚟切得夠晒厚，食落去鮮甜無比，冇乜腥味，🍣鹿兒島A4肩胛和牛海膽反卷層次分明，壽司飯卷上面有和牛，油脂分布均勻，再上面有一層吞拿魚溶，再配上鮮甜嘅海膽，味道層次豐富！🍗芝麻鷄翼外皮香脆，內裡多汁，芝麻嘅香氣撲鼻，食落去好滿足~🥘壽喜燒鍋配野菜豆腐篮，湯底鮮甜，野菜同豆腐吸晒湯汁，食落去好滋味。A4肩胛和牛150g，肉質細嫩，油脂豐富，入口即溶，真係食到停唔到口。最後嘅燒芝士年糕，外皮微脆，內裡芝士流心，食落去好滿足。