136
8
0
開飯介紹
位於旺角的日本居酒屋，店內不少日本燈籠和旗幟作裝飾，讓食客彷彿置身日本。餐廳主打特色日式料理，提供超過100款清酒梅酒，招牌火山石燒和牛，新鮮即製串燒，日式特色火鍋及鍋物。
繼續閱讀
營業時間
今日營業
16:00 - 22:00
星期一至日
16:00 - 22:00
公眾假期
16:00 - 22:00
公眾假期前夕
16:00 - 22:00
有關獎賞計劃
食家推介
相關文章
又去令和食好西原本想試芫茜鍋不過一條友唔敢order一個芫茜鍋，一人鍋又冇芫茜鍋😭😭但我又係芫茜控，最後揀左芫茜定食😙初初感覺得兩塊芫茜蝦餅會好單調，點知就係呢兩塊餅幫我ko左成碗飯🥴🤗佢個味道就好似蒸魚豉油，甜甜咸咸，口感就好似食天婦羅，好似好怪，但奇實好好食😋😋搞到我一定要捉人陪我食佢地既芫茜鍋😍😍日式裝潢風格，招財貓燈好可愛午市好抵食啊😋好想試呀外觀好有日式feel，但食落就係傳統中式美食有手掌咁大呀
繼續閱讀
可能剛食完壽喜燒不久，覺得不夠，心裏總有少少掛念，剛好見到網上推介，放工來到了令和酒場回味一下！雖然是星期一，可是人氣旺盛，來幫襯的人真不少。坐低先來一杯令和自家製的梅酒。這家令和分店有幾個大酒櫃，放滿了各式各樣的酒，供客人選擇，而且價錢也十分實惠。顏色金黃剔透，入口香甜，梅味濃郁。蜜柑鯛刺身薄切顏色晶瑩剔透，入口魚味不算濃郁，但肉質爽口，點上少許檸檬汁，食其鮮味。鮟鱇魚肝有四件，厚切的它食落不膩，配自家製醬汁，食落甘香肥美。螢光魷魚滑嘟嘟，小小的一隻，渾身爆膏，好好食！到了主角日本A4黑毛和牛上枱，樣子絕對令人驚喜。牛肉的質素很靚，細緻的白色脂肪紋掛在嫩紅的肉，看得出的肥美。跟餐有歌野菜豆腐盤，是食完壽喜燒打邊爐食的。來這裏食壽喜燒，店員會詳細教你如何燒得好。她會在你面前示範一次，然後再讓你自己實戰。先用肥豬肉把洋蔥、大葱等爆香，然後就落少少壽喜燒汁，再在鍋內放上一塊和牛，將之拖熟。然後再蘸上蘭王蛋漿，真係好好味！和牛夠肥美，滿滿的牛香、油香，再加上蛋香，令人食唔停口！牛肉的份量不少，食完壽喜燒再食一鍋熱辣辣的蔬菜解膩，暖笠笠，食完好滿足！這個小店出品的壽喜燒，估唔到咁高質，絕對是冬天必食的好物！
繼續閱讀
咁耐無去日本旅行，真係好掛住和食、鍋物等。今晚特登約埋好友去令和鍋物酒場，位於旺角彌敦道613號飛達商業中心1樓，餐廳掛滿日式燈籠、日式掛旗等等，客人入內店員亦會擊鼓，好有氣氛~掃QR CODE於手機點餐，環保又方便快捷。石板燒澳洲M6和牛150g油花分布均勻，火侯控制得剛好，和牛遇炭火後味道香醇多汁，啖啖濃厚牛味，軟嫩適中帶焦香。另可加錢追加蟹膏飯、野菜沙律、味噌湯，飯素伴以綿密細膩蟹膏，口感鮮明豐腴。鍋物揀選M6澳洲和牛(200g)配野菜豆腐盤M6澳洲和牛油花細緻，入口即化，肉質軟腍鬆化，肉汁豐富，令人食指大動!野菜豆腐盤新鮮爽脆，解膩一流。和牛鍋燒烏冬烏冬滑溜又彈牙，和牛份量頗多，口感Q彈有嚼勁。令和玉子燒金黃色澤，咬落豐厚紮實，柔軟香甜。北海道花魚一夜干肉質鮮腴多汁，烤得香酥，油脂同香氣俱備~燒多春魚外皮香脆，加上滿滿魚籽，口感一流。燒鰻魚串塗滿醬汁再以慢火炭烤，肥美無比。串燒拼盤一共八串既拼盤份量十足，包括手羽、雞皮、雞軟骨、大蔥豚肉串、金菇牛肉卷、秋葵、煙肉車厘茄、大蔥，推薦金菇牛肉卷，柔嫩可口，口感豐富。秋冬天氣最岩飲滋潤熱飲，同好友分別揀左熱生薑蜜同熱菊花蜜，甜度適中，岩哂散寒暖胃。
繼續閱讀
環境：👍👍👍👍服務：⭐️⭐️⭐️⭐️⭐️味道：😍😍😍😍😍影相：📸📸📸📸📸Encore:98%📝進入前要度體溫 ➖➖➖➖➖➖➖➖➖➖➖➖➖➖➖香港，其實有吾少日式居酒屋但要講一踏入店內，仿如置身於日本嘅「令和居酒屋」係其一除左呢個特色，最性價比實在係超高！無論係裝修，食物水準，定價，無一不令人稱讚😎.🔸 澳洲M6和牛 $108只係$108就食到100g嘅澳洲M6和牛，CP值超高👍首先，店員會係我地面前用石板將和牛燒至7~8成熟呢個時候，除左可以欣賞成個燒製過程緊係要影張相，呃下Like啦🤣係石燒嘅過程中，油脂慢慢融化鋪係石板上嘅蒜蓉亦滲入牛肉中牛味濃郁又帶陣陣甜甜嘅牛油香一咬，成個口腔都係充足又香濃嘅肉汁入口即化，柔軟嫩滑，真係不得了！另加$25可追加一份蟹膏飯，野菜沙律同味噌湯米飯上灑上飯素，同蟹膏伴勻而食，超正💕.🔸海鮮盛盤 $188海鮮拼盤都好抵食！有虎蝦，廣島蠔，北寄貝，帆立貝同魷魚鬚當然，亦係由店員為我地操刀火喉控制得恰到好處加入蒜香，黑椒等，更有風味虎蝦同帆立貝，細嫩帶彈性仲有廣島蠔，肥美滑溜😋.🔸野菜天婦羅 $58有香菇，芋頭，南瓜，茄子，秋葵等炸粉薄而鬆脆，吾錯😘.🔸鹽燒雞翼 $22雞翼燒得吾會乾柴外層香脆再灑上少少岩鹽，恰到好處嘅鹽香令我地再次encore😂.🔸菠蘿乳酸梳打 $33。橙汁 $18菠蘿同乳酪融合得好好擺耐左，吾會有水同果汁嘅分離現象😘
繼續閱讀
金錢對比物質從來都只係一盤數字遊戲，如果搵到你心頭好，有時唔需要左度右度，佢既價值應該係由你自己去決定。不過價廉又係咪一定物美呢？近排就比我搵到一間性價比超高既日式小店「令 和 居 酒 屋」，係呢到有唔同既鍋物、燒物、石燒牛、壽司、刺身，總有一款岩你口味，值唔值？試下你咪知！👇📌鍋 物 · 二人前-▪ A4日本国產·黒毛和牛ステ一キ·すき焼き - $298/200g▫ 只係講緊3舊水就有一大個人氣套餐「A4日本黑毛和牛·壽喜燒鍋」，一黎到就有成200g咁大份既黑毛和肉，兩個人食就夠哂啦。食落和牛口感腍滑，肉既香味味同油香之間相輔相成，配搭壽喜燒既醬汁，整體相當惹味！▪ やさいとうふ·盛り合わせ -▫ 而每一個鍋物都會附上「野菜·豆腐盤」，除左可以減低整個油膩感，加上吸收哂壽喜燒汁既味道；尤其是豆腐、金針菇、冬菇、大量生菜特別入味。📌一 品 -▪ な べ 焼 き う ど ん - $78▫ 忍唔住再追加左個「鍋燒·烏冬」，成碗麵既份量十足，配上天婦羅、溫泉蛋，口感即刻豐富左；而每條稻庭烏冬食落非常爽彈，加上湯底既配搭，可以話係無得輸呀！📌ド ン -▪ ロ一ス ト ウナギ - $118▫ 最後試埋丼飯最強既「蒲燒鰻魚·丼飯」，鰻魚肉賣非常厚身，外層燒到略為帶點焦香；而食落肉質軟滑彈牙，再配上秘製鰻魚燒汁，比平時食開更加香甜；而又唔會蓋過本身鰻魚味，唔錯。
繼續閱讀
您可能會有興趣的...