水門雞飯 (汀角路) (已結業)

今日同男朋友喺大埔跑完步咁啱晚餐時間見到呢間水門雞飯，佢有個二人自選餐先$198好抵食。佢係主食和小食各選兩款，再奉送飲品加甜品，又免加一，夠晒經濟實惠。世間主打水門雞飯，所以點都要叫，另外再叫咗個鳳尾蝦金邊粉。先講海南雞飯，味道拍得住喺曼谷嘅水門雞雞肉10分嫩滑，雞味濃郁，啖啖肉，配上油飯，再點埋自製辣醬，非常惹味。果然係主打菜式，冇令人失望。另外金邊粉份量都十足，炒得都比較香口。小食要咗泰式炆雞腳，呢款雞腳有啲似平時食滷水雞腳感滿滿骨膠原，馬拉盞肉醬芥蘭苗，食咗咁多濃味嘢食返呢個清吓腸胃。我哋加錢要咗個椰青，仲有酸梅冰，跑完步熱辣辣飲番杯，清爽解渴。仲配埋泰式必點甜品，芒果糯米飯，芒果都夠清甜。價錢親民值得下次再來幫襯。