影片
更多
2023-05-22
106 瀏覽
今日突然想食潮州菜，於是去到九龍城搵食。呢間舖頭門面睇嚟做開街坊生意，見裏面有啲食客，於是入去試試。一入到去已經見到潮州打冷舖格局嘅鐵製長枱。小時候經常跟爸爸落街打冷，所以好有親切感。先叫咗一個細嘅滷水拼盤（$118)，點知上到枱勁大碟，足夠四人食。裏面有墨魚、鵝腸、生腸、豬耳、豬頭肉、豬腩肉、豆卜、紅腸，全部味道爽口，底部嘅芽菜好爽脆而且索晒滷水汁，賣呢個價錢真心抵食。我哋再點咗一個普寧豆腐。佢嘅特色係會配合用熱水加鹽同加香蔥製成嘅鹽水食，呢個係正宗潮州食法。我哋覺得呢個菜式最好味，佢嘅豆腐炸得好香脆同乾身，唔覺太油膩，但裏面豆腐仍然非常嫩滑，加上個鹽水做得好，所以大大碟都好快食晒。另外亦都點左黑椒牛仔骨同牛肉炒芥蘭，兩款小炒都不錯，而且份量頗多，用料好足。例如芥蘭炒牛肉放咗好多牛肉，而且芥蘭好甜，比得上酒樓出品。呢間潮州菜都幾抵食，加上老闆娘要招呼周到，希望下次來再試多啲傳統潮州菜式，例如蠔餅、兩面黃等等😋
一入到去已經見到潮州打冷舖格局嘅鐵製長枱。小時候經常跟爸爸落街打冷，所以好有親切感。
先叫咗一個細嘅滷水拼盤（$118)，點知上到枱勁大碟，足夠四人食。裏面有墨魚、鵝腸、生腸、豬耳、豬頭肉、豬腩肉、豆卜、紅腸，全部味道爽口，底部嘅芽菜好爽脆而且索晒滷水汁，賣呢個價錢真心抵食。
我哋再點咗一個普寧豆腐。佢嘅特色係會配合用熱水加鹽同加香蔥製成嘅鹽水食，呢個係正宗潮州食法。我哋覺得呢個菜式最好味，佢嘅豆腐炸得好香脆同乾身，唔覺太油膩，但裏面豆腐仍然非常嫩滑，加上個鹽水做得好，所以大大碟都好快食晒。
另外亦都點左黑椒牛仔骨同牛肉炒芥蘭，兩款小炒都不錯，而且份量頗多，用料好足。例如芥蘭炒牛肉放咗好多牛肉，而且芥蘭好甜，比得上酒樓出品。
呢間潮州菜都幾抵食，加上老闆娘要招呼周到，希望下次來再試多啲傳統潮州菜式，例如蠔餅、兩面黃等等😋
張貼
