粗店燒烤 (已結業)

一直都想搵D抵食又好食既串燒店，呢間應該入到頭3。首先一讚係佢環保乾淨!! 食物選擇都算多，而家有個保溫爐，加分位。叫左燒雞皮，燒雞腎，燒雞軟骨。佢原先其實已有D調味，有D蒜呀，孜然粉味既味，想要辣就可以點佢D辣粉。燒雞軟骨好好食呀，仲有少少脆口。燒雞皮我平時比較少叫，因唔太食雞皮，但係一試就改左觀，又幾好食，唔係我想像中一咬就成口油既味道! 原隻魷魚都幾大份，仲可以自己剪size，唔會太UN。仲叫左羊肉串等等。土豆片都好好食，冇整到淋曬，食落係仲有少少爽口，很OK! 娃娃菜都係好食之選。下次想食埋佢既蜆，好似都好正咁! 而且算係抵食，2個人食都係400內!