時代冰室 (One Madison) (已結業)

某日咁岩要出旺角整野，正當苦惱去旺角食乜之制，靈機一觸，不如係公司附近搵茶記食下午茶。睇左幾間茶記，最後揀左呢間時代冰室，一黎評價幾高，二黎價錢最吸引。下午茶選擇甚多，軍艦、漢堡、湯麵、飯餐都有，有好幾款都想食，不過胃得一個，最終揀左最中意食嘅生炸脾同埋茶記先做到好味嘅邪惡西多士。王牌生炸雞脾配西多士 $36相信兩樣野都係即叫即炸，等左十分鐘終於上枱。厚麵包整嘅西多士，比普通麵包嘅食落更有口感，更能食到外脆內軟嘅口感。另外我欣賞佢用粗粒花生醬，食落好有花生香。生炸雞脾估計應該係先滷係炸，食落好重滷水味，而肉質亦唔算滑，但一次過可以滿足食滷水脾同炸脾嘅慾望😆。一向都中意飲茶記咖啡，但今次呢杯就唔太好飲，唔夠熱，咖啡唔夠香。但整體以呢個價錢，絕對可以接受😅。