亞萊泰 (淘大商場3期) (已結業)

前日向淘大shopping, 見到呢間唔貴既泰國tea set, 即入去試試，環境闊落，舒適。再睇睇餐牌，都俾30至50，一於試試。叫左豬頸肉湯河同埋喇沙海南雞湯河。首先講講豬頸肉湯河，豬頸肉都有6塊咁多，tea set 來講算多，抵讚，個泰式湯底幾香濃，河粉幼身又滑，正！而另一個喇沙湯底都係幾香濃，有少少椰奶味，少少微辣，海南雞都夠滑，亦有5至6件，真係大件夾抵食，唔錯!仲有兩杯飲品，熱華田，凍0茶，正正常常，不作多提。 呢間野都可以值得encore! 80蚊兩個人，抵食啦！