時代冰室 (已結業)

以前返工附近有時代冰室lunch成日都會幫襯，轉咗工之後好耐都冇食過，今日掛住佢特登過嚟太子食😋就黎冬天出左火鍋同煲仔飯😍醉雞肥牛鍋｜好抵食，$78有咁多配料😍醉雞湯底酒味濃帶有微微藥材味👍🏻雞件啖啖肉配埋個湯底食一流，再凍啲食一定好暖身🥰肥牛牛味突出，食埋個烏冬非常飽！芫荽皮蛋鮮魚片濃湯浸時蔬｜魚片好滑仲要無骨架😋生菜索哂湯好清甜！家鄉蓮藕鹹魚煎肉餅｜肉餅外層煎至香脆，咬開勁juicy🤤加埋爽口既蓮藕，口感十足！唯獨鹹魚份量唔夠。白汁芝士焗西蘭花｜鋪滿白汁同芝士超邪惡🤤西蘭花無焗到淋哂，好出色既小食☺️特盛綜合水果茶｜係超超超大杯，最後飲唔哂😂加左熱情果酸酸甜甜好清新，甜度亦剛好！紅棗薑茶｜薑味好濃郁，仲有好多粒紅棗，好養生❤️時代真係好抵食，值得香港人幫襯既餐廳❤️