正宗水上人氣鍋專門店 (已結業)

今日收工就約左好耐冇見嘅朋友，佢地帶我食呢間食海鮮鍋，食過又幾正，坐得舒服，推介一下。呢間係地鐵e出口行一陣就到，都好方便，有個大招牌都好易搵。入到去地方都算大，食客都係食海鮮鍋嘅多，吾洗怕熱，因為冷氣都夠涼。我地每人嗌了套餐，$298，包了六款已定海鮮同五款自選食物，海鮮都幾正，有鮑魚海蝦外，仲有花蟹，蚌，硯同沙白。一上面，好驚喜，成盤海鮮勁大盤，沙白同硯勁多，後來我先知每人沙白同硯都各有6隻。鍋嘅湯定係自選的，可以選兩種味道，包括粥底，都幾正丫，海鮮全部都好新鮮，味道鮮甜，特別喜歡蟹同蚌，好好味。自選食物選了頂級牛頸脊，想不到海鮮好食，連其他嘅配料都幾好食，牛頸脊肥瘦適中，牛味濃，幾好食，另外炸響玲都好好食，因為吸晒充滿海鮮精華嘅湯底，味道一流。仲有多選高級食材選擇，例如鵝肝墨魚丸，極品和牛粒等。今餐食得好豐富，又見返班朋友，傾計又食得開心，好滿足丫。