藍象泰國餐廳 (已結業)

喺尖沙咀海港城行街行到攰，見藍象泰國餐廳Tea set $168 for two 好抵食，環境又靚望到海景，就入去歇下腳。Tea set用雀籠裝住，好吸晴，包括炸物（泰式春卷、炸蝦同蝦餅）、柚子蟹肉沙律卷、皇家宮殿蒸餃子、馬可、暖心榴槤撻、斑蘭撻同泰式辣朱古力。鹹食方面，炸物炸得金黃香脆唔油膩，蝦餅同泰式春卷都唔錯，炸蝦係蝦上塗上一層粉粉地既蓉覺得麻麻；柚子蟹肉沙律卷都唔錯，皇家宮殿蒸餃子就嫌皮厚左d。甜食方面，斑蘭撻好有奶香；暖心榴槤撻榴槤味超濃，食完一啖成個口腔都充斥住個陣榴槤既香氣；泰式辣朱古力好似朱古力mousse既質感，可可味好濃，辣辣地好過癮！另外+$25 試左芒果椰汁糯米飯沙冰特飲，椰汁味較岀，配上清清地既芒果同糯米飯，幾特別。