太興 (已搬遷) 新店位置

復活節後第一個工作天，便是我的請假日，皆因行山過度透支體力，以致返歸後沖涼時有少少暈，幸好冇乜大礙。下午落街食個tea，行遠少少到左太興，果然不出所料，部份茶餐大部份比假日平好多，於是乎叫左個缽仔青芥辣焗燒肉飯加冰鎮凍咖啡，份量無異，等既期間，侍應差點將淨燒肉放在我的桌面上。如果分番開的主角及配料，其實真係平平，燒肉還比我上一次去元朗添記差一些，至少冇三層肥三層瘦既出現，但本人好欣賞佢地的創新菜式，希望將來佢地可以有更多新派菜；至於凍啡都係其中一樣好野來。有時假日都會再這裡渡過，茶餐買到咁貴，亦不乏食客，好老實講，真係貴左的，食一次就好難有藉口再有第2次啦！