太興 (已搬遷) 新店位置

門口比以前擠塞，出菜處，收銀處，等外賣處堆在一起，　萬一有火災就煩　在午飯時段光顧，　須要等起碼１５分鐘坐低，　等人落單都唔夠人手某侍應不懂衞生的重要，　湯勺跌落地，　沒有換新的，　照出菜比客人　　　　　　　　　　　　　　　　　　　　　　好得人驚！！好老實，　＄７０／一餐，　唔值　如果大Ｘ　活裝修完，　真係未必去太Ｘ

夏日炎炎, 去太興食個靚早餐, 叫返杯凍檸茶... 凍檸茶一到, 二話不說, 飲返兩啖先, 解解渴, 正！然後.. 慢慢篤檸檬, 篤篤下.. 兩支牙籤浮面, 搞搞下.. 梅爛既招紙蒲頭, 再搞多兩下.. 嚇死.. 嚇死.. 真係嚇Q死, 一堆垃圾碎屑浮游, 真係即時反胃, 兼隔夜飯都嘔返曬出嚟！眼見食店收費與衛生水準不符, 在此攢文, 提 醒各路人多加注意, 現在諗起都仲想嘔！

我和Honey到西灣河看新房子，之後找吃的。西灣河有不少小型食店，但就不算坐得舒服，所以，當一行到太安樓，看到太興的招牌，便想到吃燒味飯。還有，這間太興算大，對外也開揚，坐得舒服。下午茶時段，下午茶也有燒味飯。Honey想吃油鷄飯，但侍應話無鷄，如果三拼飯(叉燒、燒肉、油鷄)，油鷄可轉燒鵝。三款燒味都好味！叉燒入味且稔，少少肥；燒肉的皮很香脆；燒鵝也甘香，不肥。我們又叫了瑞士汁炒牛河粉。炒得不算油，但是，瑞士汁太甜了，如果配鷄翼就好味，但配炒河粉，太甜了一點。太興奶茶，不錯。

是日中午在西灣河上課，上課前來到地鐵站附近的太興午餐。西灣河是其中一間筆者最常光顧的太興，因其質素是非常穩定的一家，而且設有較多卡座和獨立座位，所以繁忙時間亦不難找到座位。店員的服務態度也非常親切和有效率。到太興吃飯，除了筆者曾介紹的西多士外，筆者亦十分喜歡這裡的瑞士汁濕炒牛河（$52）和冰鎮奶茶。是日還多點了這裡的鴨腿湯飯試試。食物上桌速度非常快，濕炒河先來，熱騰騰的，吃落是濃濃的甜醬油和乾蔥味道，而且河粉炒得焦香，十分有鑊氣！雖然油份較多，但味道的確出色。推薦指數：5/5至於鴨腿湯飯（$48）亦比想像中出色。湯是鴨骨和陳皮的香味，咸味不濃，倒是以一陣清香為主。裡面亦有冬瓜，入了味，感覺是挺散暑氣的。推薦指數：4/5至於冰鎮奶茶（+$3），茶味和奶味都非常重，而且以冰鎮形式上桌，保有凍奶茶溫度不會被冰塊所稀釋，是相當出色的凍奶茶。不站，不嗜甜的朋友有可能會嫌努茶偏甜。推薦指數：5/5太興的午市套餐定期更換，不過有時餐牌未必對上口味，大家要留意啊！

昨日假日又係星期日, 出街食飯有個風險係等位, 等到有位時, 多數會係三尖八角, 左拉右搭咁, 食到逼逼夾夾, 背脊骨落。但行到西灣河街頭, 肚餓, 知道太安樓對外有幾間食肆, 希望坐得好好地, 望望環境, 幸好, 十二點未有等位, 但靠得住明顯無人, 即係好極有限, 反之太興已坐九成滿, 可一試, 平日就唔係好想入, 因為佢價錢屬偏貴而唔太特別。入內, 剛有卡位, 正, 舒舒服服。見餐牌定好幾款午餐, 燒味, 款款差唔多價錢6字頭, 有飲品, 一於就試下梅菜扣肉飯。碟飯黎到, 有少少驚喜係同菜牌個樣差唔多樣, 兩條菜心放兩邊, 出菜那位人兄都算有心機, 兩條辣椒絲添了紅色, 幾靚。食落, OK 喎, 第一反應係: 好過泉章居, 扣肉好化, 唔會柴皮咁實。味道, 梅菜比例均勻。白飯另上。跟杯冰鎮奶茶, 好凍, 但幾滑, 有茶味。總體黎計, 太安樓太興各方面配合得宜, 以假日黎計, 60元就變得係好合理既洗費。

次次黎太興都食燒味，今日lunch決定試試新野！我同同事不約而同都揀左個極邪惡嘅梅菜扣肉飯，連熱飲$58。餐廳幾乎爆滿，不過上菜算快，等左約10分鐘就有野食。就咁望落去飯同餸都好大碟，扣肉賣相唔錯，有成4塊肉咁多，不過夾起先知係薄薄薄切。扣肉炆得軟淋，吸收曬梅菜同醬油精華，肥瘦相間，皮同肥肉入口即融，唔錯！梅菜唔會太咸，帶少許甜味，送飯一流！另外提提，呢間太興嘅侍應姐姐服務都算殷勤，由到門口招呼到帶你入去搵位都照顧周到。餐廳空間大，卡位圓枱坐得頗舒適。

It's afternoon tea.太興就食過好多次　但系呢個雞比仔餐就第一次食、因為如果晏去太興通常売曬既. 呢個餐有雞比仔2隻, 薯條同2塊野菜、　隻雞比仔都幾好食、　調味幾好AND　甘香。薯呢D薯條都甘香、　係同１味来的、、、　塊菜比較薄

食物嘅種類非常多，有唔同嘅小菜、炒粉麵、燒味、扒餐等等，基本上一定有啱食嘅野。小菜黎講，大部份都非常入味，尤其係啫啫菜煲，大大個煲入面裝住相當份量嘅通菜，配上有蝦乾嘅海鮮醬，不過可能對某啲人黎講會咸左啲。而蒸魚等菜式都可以一試，魚嘅大細適中，好在夠新鮮。最出色嘅係跟餐嘅老火湯，火喉夠唒，飲得出非常足料！可惜嘅係價錢偏貴，比起幾年前加價接近5成，兩個小菜套餐已經接近$200，接受到價錢嘅話可以一吃，不過好大機會要等位。

上次來這間太興吃晚餐已是好幾年前的事了，是晚跟親戚們到此共晉晚餐。有親戚事先到太興拿位，以讓我們坐到較舒服的半圓卡位，辛苦了！來到太興當然要點有名的燒味，我們首先點了三星拱照（達人）（＄８２），包括叉燒、切雞和燒肉，旁邊佐有冷盤木耳。可惜價錢、份量與質素完全不成正比，燒味不新鮮，叉燒不夠入味，而燒肉口感亦麻麻。切雞的脂肪和皮更佔了整件的三分二，失望！另外還點了四個餸菜跟白飯，包括海味雜菜煲（＄６４）。煲裡有很多不同種類的菜，例如西蘭花、娃娃菜等，都算足料，不過略嫌魚湯味道過咸。爸爸提議試新菜式之一的蔥海參春耳煲（＄６４）。送上來時熱噴噴，海參數量不算多，主要是香蔥和木耳，不過味道有點怪，太濃味，大家都說是中伏之選。第三款是鹹魚蒸肉餅（＄６４）。雖然蒸餅需時，但應該是全晚最出色的餸菜！蒸餅用長條型的碟盛載呈上，有兩件很厚的鹹魚放在肉餅之上，鹹魚極鹹，很入味，家中長輩都說鹹魚很出色，而肉餅蒸得入味且質地滑溜。最後是魚香茄子煲（＄６４）。從賣相來看都非常吸引和熱辣，茄子入味，不過味道依然偏濃和油膩，一定要送白飯才能吃完。總括來說太興的食物質素比較參差，理應出色的燒味更為當天最失色的一道餸，其

去完港島民生書院，在地鐵站附近的太興看一看~門口的侍應馬上介紹太興在香港十分有名(以為我是旅客?) 原隻鵝脾飯($66)沒有以鴨代鵝，貨真價實!味道不錯，不會很硬，口感十足!大都牛肉麵($48)麵身柔軟幼滑，只是牛肉比較少，只有數片。湯很多味精呢...西蘭花牛柳粒($64)最好吃的菜式!西蘭花新鮮可口，而且每一枚西蘭花大小均一，一口一西蘭花。牛柳粒可是半口一牛柳粒，因為真的十分迷你!味道很香，佐白飯不二之選!白飯單叫$9!茄子肉鬆煲($64)茄子肉鬆煲上菜時充滿熱煙!真是即炒出來!茄子肉鬆十分惹味!茄子可是粗粗的，入口還有些茄子汁，十分可口!跟白飯+飲料(加$19)點了泡沫咖啡!本不抱期望，竟然很滑，賣相都不差!令人喜出望外!

今晚黃色暴雨，好多地方大雨之外仲要落雹，打爛哂啲商場玻璃，本來打算去又一城同媽媽食飯，好彩最後去返屋企附近搵食。因為想食蒸魚，但得兩個人所以最後去咗太古城附近太康樓嘅太興。叫咗冬菇蒸龍躉球，蒜蓉炒菜心 同楊州炒飯。值得一提，呢間分店樓面地方寬敞兼且樓底特高，座位亦舒服有別其它分店，落本裝修讓食客舒服用餐，抵贊！埋單 $210 ，價錢公道，如果同另一大集團翠華比較，呢間太興舒服同感覺企理好多。

近日在電視廣告火熱的，莫過於就是Eric Kwok竟然化身Tony Stark參演太興的廣告另外還有一位黑人演員則打扮成Nick Fury與Eric Kwok一起來個Avengers Cosplay。先不說像不像真，神不神似（張誇覺得不開口挺好，一開口整件事就fail下來）重點還是看太興在賣甚麼葫蘆藥，還以為重槌請Eric Kwok出山玩Cosplay是有甚麼新搞作原來是翻炒其最出名的「冰鎮奶茶」和燒肉，聲稱用創新手法重新演譯太興究竟在搞甚麼飛機？就是因為這個廣告，女友就嚷著要吃她最喜歡的瑞士汁濕炒河和冰鎮奶茶，由於第一次是在太興樓的太興吃，所以就重回這裡享受一下。^一坐下張誇第一時間就是拿起這Menu拍照XDD這張相看起來很有電影感之餘又很有喜感^餐牌上都加了價...大概6、7元吧。紐西蘭牛柳絲瑞士汁濕炒河：這個是張誇最推的一道，每次下午茶都必點（因晚餐會貴上10元以上），甜甜的瑞士汁加上炒得不韌的牛柳條，味道就好比吃瑞士汁雞翼一樣甜蜜。惟這次稍為瑞士汁收得不太足夠，有點「水浸河塘」的感覺，令河粉浸腍而易斷，但味道沒有影響。大都牛肉麵：張誇看到第一個印象就聯想為台式牛肉麵，果然味道聞

已經到過這間太興用餐無數次，每次總有不滿意的地方。新年流流，一家人打算去太興食晏，本來已預計要等位，黎到時竟然可立即入座，正深感幸運之制，原來是要我們搭枱，派位的服務員完全沒有事先同我哋講，結果父親大人當然不悅，於是我們再等咗約10分鐘，終於有位時又要我哋入房坐，兩旁明明就有四人卡座，派位安排非常差，完全冇系統可言。 點餐果陣舉座手好耐都沒人理，周圍有好多侍應行過都無人理我哋，後來服務員送飲品態度又無禮貌，就咁劈低飲管就算。大家都知道太興食物嘅價錢不嬲都唔平，食物質素其實亦都好一般。父親大人要咗個餐蛋麵，味道普通。母親大人嗌咗個雪菜肉絲面配多士炒蛋，碗面只有條肉絲 ，我知而家食材貴咗，但係洗唔洗少到咁？－。－個多士炒蛋味道就唔錯嘅，炒蛋好滑，但係成個餐價錢唔值啦真係。細佬食明爐燒鵝飯，太興最出名係燒味，但係最唔抵食都係燒味，嗌飯成日都淨係俾晒啲脫皮／骨／肥膏嘅部位。我就嗌咗最鐘意食嘅西多士，唔記得咗幾多錢啦，不過多是確實係幾好食嘅，西多士煎到金黃色，皮脆脆地，入面就好軟熟，搽埋牛油同糖漿，好食！我同細佬都嗌咗杯柚子蜜飲，味道okay啦，都算多柚子下。總括嚟講食物又唔算係好差嘅，但係確實

早餐想環境舒適、服務出色、食材招積、價格合適，必選太興。小妹今次試左佢哋人氣早餐 – 火腿通粉拼香滑炒蛋配鬆脆多士，飲凍檸茶。坊間茶餐廳，甚至乎大集團的火腿通粉，小妹未敢幫襯，皆因大多用劣質味精湯底及通粉。湯底大多有陣難以下嚥的血腥味，通粉過淋，火腿又係下等貨色。但太興則不同，豬骨湯底清甜好味；通粉夠QQ彈牙、有嚼口；火腿又好味，再加生菜，正﹗炒蛋有蛋香又滑溜；鬆脆多士配牛油沒有難吃的道理；凍檸茶則屬正常。

今日因為要專登落去西灣河街市買我用開o既炆羊肉醬，經過太興，忽然好想食燒味飯。 　太興既雙併飯餐 (飯連例湯或熱飲) 要$54. 單拼餐都要 $51. 價錢一d都唔平。　　佢走ｏ既係個檔茶餐廳路線，而且員工真係個個都好好禮貌。　　所以取價比一般燒臘店貴。　　不過好在佢ｏ既燒臘真係好有水準，令你會耐唔耐心思思想去幫襯佢。今日食左叉油雞雙拼餐，叉燒係用半肥瘦梅頭，入口甘香，個面有層甜甜糖漿，仲好多焦位(今日好菜有叉燒頭)，真係好好味，油雞就保持到水準。例湯係粉葛煲章魚，有好香ｏ既章魚味，ｏ岩晒我口味。　　不過佢ｏ既碟頭偏細，如果平返幾蚊個餐就更合理喇。