利強記北角雞蛋仔

營業中

休息中

一向唔係好鍾意食雞蛋仔，以前掃街多數食牛什、魚旦同車仔麵。呢D街邊走鬼車仔檔，近年已有唔少入咗鋪，其中雞蛋仔當然以呢間最負盛名，次次行過都大排長龍，每次都提不起勁去排隊，今次終於下定决心又睇吓你有幾好食。去到條龍唔係好長，大约十零個人，點知排咗幾分鐘至發覺原來後面D人仲多過前面，真誇張。等咗大約廿零分鐘就到，雞蛋仔同夾餅同價，$12一底$22兩底，數一數原來一共有7個爐一齊做，兩位阿姐已經不停手都做唔切，真係富貴逼人。一向覺得雞蛋仔同蛋撻一樣，新鮮熱辣出爐就一定好食，呢度好有蛋香而且好脆，一路行一路食，行行吓已經食咗一底，留番底俾阿仔食，同佢會合時已經凍晒但係仍然香脆，就真係好難得，抵佢發達。