馬哥孛羅咖啡廳

請親戚吃飯，大家的口味各有不同，年長者又唔可以咁夜瞓，故多傾向去吃Lunch buffet。海鮮類有翡翠螺、長腳蟹腳、青口、蜆、石蟹。以翡翠螺大隻，彈牙且無沙。長腳蟹腳夠粗又新鮮，沒有解凍出水的現象。日式食品有刺身：三文魚、吞拿魚、希靈魚、帶子、熟蝦等，仲有壽司、冷綠茶麵。點心只有飽類和餃子、粉果，不吃也沒有損失。燒味中以白切雞好吃，雞肉滑嫰。其他燒肉皮唔脆，燒鵝一般。冷盤以香辣炒牛肚、煙三文魚、巴馬火腿配哈蜜瓜為佳。其他仲有麵檔，粥檔。燒烤區中東烤雞、燒牛腩、燒羊架、薄餅、咖哩角等。熱葷都有很多選擇，以蒸魚最受歡迎。甜品分幾區：朱古力噴泉、糕點、雪糕、豆腐花和糖水。雪糕是Movenpick ice-cream，吃多幾球都值回票價。自助飲品吧，果汁和凍熱茶都有。