漁正居酒屋 (已結業)

今次去開佐敦呢頭搵食，咁岩就畀佢地門口嘅七折優惠大字吸引住😍抗疫期間自然要諗諗計吸下客源，見佢咁筍一於試試佢咩質素先！🐙芥末八爪魚沙律第一樣先叫左個沙律醒一醒胃。見到佢一粒一粒嘅wasabi以為一定會好搶鼻，食落又唔覺喎！八爪魚粒爽口得黎唔會太細粒，十分適合做開胃前菜。🐡燒雞泡魚乾特別嘅佐酒小吃，其實係類似燒肉乾嘅一味前菜。切到一條條岩哂一啖一條。燒到乾身香口嘅雞泡魚乾沾少少沙律醬食就更加夾😋🍣刺身ssss單點左好幾款剌身，價錢又唔算貴啵仲好新鮮下。點左劍魚腩、烏賊、北寄貝、呑拿魚，其中北寄貝剌身最有驚喜！比平時食開嘅高質好多。劍魚腩都好鮮味👍🏻剌身擺盤都好有心思絕對唔馬虎。🍢串燒ssss串燒都睇住menu 篤左幾款試試。雞軟骨同牛舌串係我嘅all time 串燒至愛，而佢都無令我失望，夠火喉夠香夠味道。蕃茄豚肉卷夠juicy，連埋燒雞全翼同埋燒雞腎都值得一試。🥓燒和牛小排一碟嘅和牛小排份量都有約十片。食落口感好淋身同好有牛味。兩個人share 嘅話份量都岩岩好。🍲清酒煮蜆蜆都幾大隻同埋隻隻爽口鮮甜，飲一啖清酒湯都一樣好鮮味。居酒屋其中一款常叫嘅菜式，冬天叫黎暖下身更和味♨️📍漁正居酒屋