影片
更多
2017-10-01
1663 瀏覽
真係好耐無放題，因為人大了，唔想食得咁趕又咁急，然而放題總係有條癮，耐不耐，就想瘋狂食下刺身。同同事們真係好耐無見，難得就到時間，大家二話不說都贊成去放題食返餐。今次揀左神輿日本料理，因為openrice見到環境寬敞，而且裝修比一般放題店有特色，價錢實惠而且評價不錯。Book好位7:30準時到，門外已有人龍，但因為有book，所以好快就入到去坐。座位好寬落，而且環境都寬敞，完全無一般放題咁肩並肩的情況出現～呢度食物選擇和一般放題店無異，燒物、壽司、卷物、一品料理、炸物等，想幾齊全。不過驚喜係有清酒可以任飲。上菜速度真係好有效率，落單5分鐘左右食物陸續上枱。一口牛細細粒配甜甜地的醬汁，好入味，食不停。蒜香茄子凍食，切得大小適中，爽中帶甜。 刺身encore左3轉，雖然不算十分厚切，但新鮮無冰味，甜蝦大大隻，帶子肥美，仲有三文魚、油甘魚油脂甘香，水準之作。 清酒煮扇貝估唔到咁大隻，雖然清酒味不算突出，但大大隻，絕對啖啖肉。 不得不推介呢度塊羊架，是出面的3倍大有多，燒得一啲都唔乾，而且羶味唔算強，肉嫩多汁。唔可以錯過。還有芝士焗虎蝦又是不可錯過的項目。虎蝦肥大，上面鋪滿了芝士和沙律醬，係一
今次揀左神輿日本料理，因為openrice見到環境寬敞，而且裝修比一般放題店有特色，價錢實惠而且評價不錯。
Book好位7:30準時到，門外已有人龍，但因為有book，所以好快就入到去坐。座位好寬落，而且環境都寬敞，完全無一般放題咁肩並肩的情況出現～
呢度食物選擇和一般放題店無異，燒物、壽司、卷物、一品料理、炸物等，想幾齊全。不過驚喜係有清酒可以任飲。
上菜速度真係好有效率，落單5分鐘左右食物陸續上枱。一口牛細細粒配甜甜地的醬汁，好入味，食不停。蒜香茄子凍食，切得大小適中，爽中帶甜。
刺身encore左3轉，雖然不算十分厚切，但新鮮無冰味，甜蝦大大隻，帶子肥美，仲有三文魚、油甘魚油脂甘香，水準之作。
清酒煮扇貝估唔到咁大隻，雖然清酒味不算突出，但大大隻，絕對啖啖肉。
不得不推介呢度塊羊架，是出面的3倍大有多，燒得一啲都唔乾，而且羶味唔算強，肉嫩多汁。唔可以錯過。
還有芝士焗虎蝦又是不可錯過的項目。虎蝦肥大，上面鋪滿了芝士和沙律醬，係一種種啖啖肉而滿足的滋味。
仲有燒日本番薯雖然細細粒，但好有番薯味而且好甜，不經不覺又食左好多粒。
呢度個鰻魚炒飯好有水準，比得上出面的日本料理！飯身濕潤又甜甜地，最重要係真係食到粒粒鰻魚～鰻魚仲要係肥美而帶彈牙的那種。
因為encore 左太多刺身、燒物、一品料理，所以基本上我地4個人都飽到行唔郁，雖然過左少少時間，但都無催我地走，反而仲問我地使唔使要杯熱茶。服務態度真係好好！！！
最後食埋個有綠茶味但奶味又濃雪糕，我地才正式收手。真係好耐未試過放題咁放肆食到捧住個肚走！！然而埋單每人先$250，抵食到暈，唔推介唔得呀～～～
張貼
