一鍋豐 (已結業)

有時唔知自己想食啲乜嘢嘅時候，不如試吓去呢一間火鍋店。因為呢間火鍋店真係應有盡有！有個$ 188任飲任食套餐，有海鮮刺身同火鍋，啱晒我呢啲三心兩意嘅人。除咗一啲基本食物之外，我呢啲人一定要有碳水化合物嘅嘢落肚先會識飽，所以點左個烏冬同埋薯粉食。好開心，火窩竟然有薯粉食！烏冬唔係普通質素粗條易爛果d，好幼滑！薯粉好似喺米線鋪食咁好味。好耐冇食芝心丸喇，決定要點黎過下口癮。因為係差唔多臨尾聲先食，所以淨係食咗一舊，但係食一舊已經好足夠！佢嘅美味教我回味無窮。本身以為剩係得糯米糍食，見到人哋手上拎住杯雪糕先知原來有得食軟雪糕，仲有配料俾你夾埋雪糕一齊食添！軟雪糕有兩款口味：雲呢拿同埋蜜瓜味。原本諗住食雲呢拿味，但係俾人食晒冇得食，唯有食蜜瓜味，出奇地好味喎！本身唔係好想食蜜瓜味係驚d瓜味太出，好彩都唔係。配料有四款，有棉花糖、M&M朱古力、彩虹朱古力碎同埋士多啤梨醬，我呢啲咩都試嘅人就梗係四隻配料都試晒啦。不得了，一個字：好味！嘢飲方面有酒、檸檬紅茶、檸檬梳打水同石榴汁。見到佢啲枱分得好仔細，有細枱卡位同圓枱大枱，同三五知己去食得，同成班朋友食又得，得咗。食物同埋嘢飲種類都好多。整體來講，呢