古今二 (荃灣千色匯I) (已結業)

今日打風有一日難得既假期，我地一家去左荃灣食野，餐廳十月初開張，主打日本野，裝修十分美，富有古風。我地叫左牛肉壽喜燒、燒茄子丶三文魚頭、牛舌、雜錦沙律壽司拼盤(炸蝦/忘不了)同鳕魚乾。牛舌甘香可口，口感十足，壽喜燒份量十足，牛肉十分新鮮，惟湯底偏甜，尚可改善，三文魚頭肉質肥美可口，份量適中，沒有任何腥味。最令人驚喜既係忘不了，以芒果為食材做壽司，係坊間食肆少有的配搭，芒果的清甜配上白飯不失為一個創新的菜式。