火鍋撚 (日富里百好大廈) (已結業)

成日聽到呢一個店名就覺得有啲特別，🤣今晚終於忍唔住試一試！裝修很有特色，仿中式古宅設計，好多一個個紅燈籠掛在天花板，位置非常寬敞，適合一大班人打邊爐吹水！小食叫咗黃金炸雞軟骨，粒粒熱辣辣，鹹味同鹹蛋味適中！ 夠鹹蛋味亦都份量足夠！一路食一路等個湯底滾！正！鍋底係一品酸菜白肉鍋湯底有黃芽白絲番茄酸菜及豬肉片，湯底清清地帶少少酸，做打邊爐湯底係一個唔錯嘅選擇！極品黑豚肉肉質肥美，味道濃郁，每碟約10片。脆鯇魚腩大約有六七片非常新鮮及爽口好好味，差啲在想叫多一碟！埋單前，店員還會細心地送上一杯腐竹糖水沙冰，特別以古代酒杯盛載，一口飲盡，清熱解滯，給我們一點驚喜。