熺會館

營業中

休息中

今晚同同事出去食飯，我哋揀咗喺公司附近一間嘅火鍋店到開餐！之前已經聽朋友講過話呢間火鍋店嘅嘢食幾好味😋，今次終於都有機會試吓😍等緊入去嘅時候見到佢門面都整得幾靚，幾吸引。過咗一陣，侍應就安排咗一間房俾我哋！等我哋有自己嘅私人空間，我覺得呢一樣好貼心，非常讚👍🏻我哋點咗鴛鴦湯底🌟佢個湯底分別係《川式麻辣鍋同蕃茄薯仔牛腩鍋》‼️兩個湯底都各有特色。一個辣一個唔辣。啱晒我哋唔同人嘅需要。《黑白栢葉雙拼》‼️牛柏葉有非常濃郁嘅牛味，完全唔覺膻！口感非常爽口彈牙。好快就俾我哋食晒🤣《養顏花膠 》‼️一碟唔算有好多嚿。但每一嚿嘅尺寸都好似我手掌咁大😍 而且花膠非常厚身。食落口真係啖啖肉😋味道鮮甜，一啲腥味都冇！好好食！《熺會鳳尾蝦多士 》‼️炸得非常香口同乾身，一啲都唔油膩。而且用料好足，每一啖都有蝦肉喺入邊。超正！除咗呢幾樣嘢食之外，我哋仲叫咗潮汕牛丸，鮮雞子同脆炸美味午餐肉等等。。。呢間火鍋店真係任何一樣嘢都咁好食😋我覺得下一次可以同屋企人食！