漁火海鮮刺身火鍋

營業中

休息中

終於叫做有d涼意，又係打邊爐的好時間，不過因為人大左，任食果d自己食唔到咁多，質素又唔係間間都有，咁就開始揾d唔係任食又會有其他特色的邊爐。間野係銅鑼灣，店入面地方唔算大，但係每張台坐得闊落，唔會好迫。朋友知我鐘意飲湯，今次呢間邊爐的其中一個賣點就係個湯度。除左一般食開果d湯底之外，仲有幾款價錢貴d, 以海鮮或者藥材為主的湯底，而小弟身子較弱，所以揀左花膠響螺燉豬展試下。特色湯底睇落價錢稍高，但係物超所值。因為個煲一上已經見到好足料。侍應叫我地先試左個湯先再慢慢打邊爐，料煲得夠耐，湯d花膠味幾重下，響螺有三四舊，都幾大舊下，食落仲有味未煲走哂。之後就落料，等佢滾果時先食兩隻生蠔，法國野，唔係話好大隻（同個殼比的話），不過有淡淡的海水味，肉質軟滑，38蚊一隻可接受的。因為人數唔多都唔係叫左好多野，點左一份一口牛，碌耐少少都唔見得好韌。花甲算大隻，浸完湯之後仲好食。冬菇釀墨魚賣相幾好，上面仲有少少三文魚子，不過可惜放落湯滾之後d魚子都會跌哂。加左幾次水之後d湯的味仲係好濃下，我朋友平時唔飲出面的湯，今次都飲左幾碗。服務員好好服務，即使之後人開始多，d野都叫跟得足。可以再返頭食。