牛站(駅)麻辣火鍋放題

營業中

休息中

秋風起，又到左打邊爐嘅季節，帶朋友嚟食牛站，呢間分店雖然好大，創興2樓成層，不過都係全場滿座，星期一晚嚟食都係勁多人，一定要book枱。雙人枱坐位都唔會好窄，坐得舒服。湯底有好多選擇，不過朋友唔食得辣，所以擇左椰子雞。呢度醬料都好多種類，有成十幾款。仲有飲品款式都係好多，王老吉、日本清酒、果汁、冷泡茶、汽水，選擇都好多。上菜速度亦好快，海鮮好新鮮，有鮮蝦、卜卜蜆、鮑魚、生蠔，雲吞、鴨血、貢丸都好好食。牛肉質素都係唔錯，淥幾秒就食得，油花都平均又唔太肥膩。仲有我至愛嘅王子麵、芝麻雞翼同紅燒乳鴿。臨尾去雪櫃拎埋雪糕雪條食就超滿足😌埋單先3百左右一個人，呢個質素我同朋友都覺得好值👍🏻