一鼎‧台式火鍋 (MOSTown新港城中心(4期))

營業中

休息中

首先揀左個QQ骨膠原湯底，見佢咁特別。原來係由骨膠原、豚骨及原隻雞熬製而成，飲落都好鮮甜。牛肉方面都有幾多選擇，有澳洲和牛及200日穀飼牛你揀，和牛油脂味出d，而穀飼牛就牛味比較濃，各有特色，算做到。反而個牛舌就幾有驚喜，就算佢薄切完都保持到個爽彈感，幾surprise！另外海鮮都有大蜆、生蠔及鮮蝦任食，蝦及生蠔都幾大份同新鮮。另外仲有非常多蔬菜及麵類俾大家揀，真係唔使驚唔夠食。小食方面個人大推呢個麻辣魚皮，魚皮真係好爽彈，個麻辣恰到好處唔會太辣，好鬼馬咁調下味，係好開胃嘅前菜。最尾職員會俾個代幣你玩出面嘅夾扭蛋機，起初以為一定夾到，但原來唔係，純粹俾大家食飽之後玩下娛樂下😂😂