坡椰坡囉咪

營業中

休息中

港島灣仔區返工嘅我，成日到lunch time 就諗爆腦，研究食乜好？左揀右揀，都唔知想食乜，亂入下搵到間平平地得嚟，又有驚喜嘅餐廳啵！打工仔有福了！坡耶坡囉咪，翻食過無限次，私心收埋！今次一於公開介紹下！➤海南雞飯油飯勁出色！外賣過好幾次，個飯香軟又入甜，每次都會讚！海南雞偏淡口但好嫩口，值得讚，隨餐嗰個中湯，好濃厚足料。另外仲有一碟青菜仔，均衡營養。➤咖哩焗雞扒飯同事狂讚item !! 堂食仲正，即口即整，上堂超熱！咖哩有兩款可揀，今次揀咗新加咖哩，無咁辣外咖哩味仲好濃。雞扒勁厚身，味道不錯！焗飯係蛋炒飯做底。➤㗎咉多士每次見到都想叫一份！厚牛油加脆卜卜嘅熱多士，邪惡到一個點。斑斕味唔算太甜太濃。➤拉茶基本上必點！餐飲加12元，但係都值得一試。瀑布奶茶上枱嘅時候充到滿瀉，打卡一流。甜度好好，茶底味好好，全杯都係無冰但夠凍。