影片
更多
2024-04-13
37 瀏覽
最近IG成日見人post一間環境好靚、食品擺盤超華麗吸睛嘅新開樓上餐廳，打卡一流嘅野無理由唔去試下😳去到餐廳一開門個下已經覺得好夢幻，大大隻嘅蝴蝶裝飾，加上佈滿花嘅環境，就好似入左花花世界咁❤️🔸Signature Volcano Mac & Cheese🔸必試嘅餐廳推介！芝士多到好似熔岩咁滿瀉，每粒通粉都沾滿芝士醬，仲有好多菇同煙肉😋芝士亦唔止得一種，濃郁得嚟又唔會好鹹，整體味道似特濃芝士味卡邦尼～芝士控必選😍🔸Velvet Goldmine🔸花！全部都係花🌹連菜名都透露出華麗感，叫紫醉金迷😳用紫椰菜製成嘅忌廉汁意大利飯，淡紫色好夢幻，再加上玫瑰同金箔點綴，貴氣十足✨食落creamy得嚟有淡淡香草蒜蓉味👍大蝦同藍青口都唔馬虎，大蝦加咗芝士烤焗，上枱已經聞到香噴噴🤤蝦肉爽口有蝦味，食得出材料幾新鮮👍🔸The Fallen Angel🔸超浮誇擺盤🤩我就係要呢啲❣️士多啤梨Pancake，除咗忌廉好軟滑，士多啤梨果醬仲有驚喜😳係用新鮮士多啤梨煮成，甜度調配剛剛好，煮過嘅果醬暖暖地甜入心😋🔸Lotus Biscoff Caramel Milkshake / Purple Glutinous Ri
🔸Signature Volcano Mac & Cheese🔸
必試嘅餐廳推介！芝士多到好似熔岩咁滿瀉，每粒通粉都沾滿芝士醬，仲有好多菇同煙肉😋芝士亦唔止得一種，濃郁得嚟又唔會好鹹，整體味道似特濃芝士味卡邦尼～芝士控必選😍
🔸Velvet Goldmine🔸
花！全部都係花🌹連菜名都透露出華麗感，叫紫醉金迷😳
用紫椰菜製成嘅忌廉汁意大利飯，淡紫色好夢幻，再加上玫瑰同金箔點綴，貴氣十足✨食落creamy得嚟有淡淡香草蒜蓉味👍大蝦同藍青口都唔馬虎，大蝦加咗芝士烤焗，上枱已經聞到香噴噴🤤蝦肉爽口有蝦味，食得出材料幾新鮮👍
🔸The Fallen Angel🔸
超浮誇擺盤🤩我就係要呢啲❣️士多啤梨Pancake，除咗忌廉好軟滑，士多啤梨果醬仲有驚喜😳係用新鮮士多啤梨煮成，甜度調配剛剛好，煮過嘅果醬暖暖地甜入心😋
🔸Lotus Biscoff Caramel Milkshake / Purple Glutinous Rice & Taro Milkshake🔸
不得不提，呢度每杯飲品嘅擺盤都別出心裁，既華麗又可愛，影相都影到手軟😳
面層係帶有淡淡椰子香味嘅忌廉🥥焦糖個杯甜味濃些少，入面有啲果仁同Lotus餅，幾有咬口👍而另一杯香芋紫米相對較淡，但同椰香忌廉perfect match，好有泰式風味😋
呢間餐廳絕對唔係虛有其表，除左望落吸引，味道亦相當有水準👍fusion配搭有新鮮感，加上置身係個咁靚嘅環境食飯，食都食得開心啲，已經bookmark定要再同朋友嚟encore✨
張貼
