影片
更多
2022-06-07
1447 瀏覽
餐廳位於尖東，開業不足一年，評分都唔差，今日終於有機會過嚟試吓。餐廳主要有兩類食物，鐵板燒同埋壽司，今次唔食鐵板燒，夏天太熱，見佢Omakase$488唔係貴，直接昇級食Omakase。又係長知識的一餐，平時都有食開壽司，但係食Omakase 真係會識多好多嘢，因為一餐之中已經食咗好多唔同嘅款式。食咗成個幾兩個鐘，全程師傅都會介紹食物材同埋食法，同時影相又要記錄都有D忙😅講返個過程，揀食壽司的話會帶你去壽司吧枱嗰度坐低，再點食物，食鐵板燒就要去另外一邊㗎喇。奉上熱茶同menu，經理會簡介一下食物有乜嘢分別。之後正式由師傅take care 。先上前菜：汁煮鴨胸，日式微酸醬汁加入芥末籽，醒一醒個胃，同時師傅會問你要唔要Wasabi之後，就會去準備之後嘅食物，一個師傅負責四個個人到，上菜節奏大約5分鐘到一味。之後開始壽司環節，今次嘅玩法係有淡到濃，魚同貝類間住出場，每款壽司都有唔同嘅調味，先食五款壽司，最特別都係個八爪魚吸盤，爽脆鮮，之後就食一個特別嘅茶碗蒸，干貝蟹肉蒸蛋上面再打一個蟹肉芡同鹹魚子，間一間銀鱈魚嘅油膩。又食另外4款壽司，其中魴鮄同赤鯥我係第一次食，魴鮄魚肉有紮實清甜，赤鯥火
餐廳主要有兩類食物，鐵板燒同埋壽司，今次唔食鐵板燒，夏天太熱，見佢Omakase$488唔係貴，直接昇級食Omakase。
又係長知識的一餐，平時都有食開壽司，但係食Omakase 真係會識多好多嘢，因為一餐之中已經食咗好多唔同嘅款式。食咗成個幾兩個鐘，全程師傅都會介紹食物材同埋食法，同時影相又要記錄都有D忙😅
講返個過程，揀食壽司的話會帶你去壽司吧枱嗰度坐低，再點食物，食鐵板燒就要去另外一邊㗎喇。奉上熱茶同menu，經理會簡介一下食物有乜嘢分別。之後正式由師傅take care 。
先上前菜：汁煮鴨胸，日式微酸醬汁加入芥末籽，醒一醒個胃，同時師傅會問你要唔要Wasabi之後，就會去準備之後嘅食物，一個師傅負責四個個人到，上菜節奏大約5分鐘到一味。
之後開始壽司環節，今次嘅玩法係有淡到濃，魚同貝類間住出場，每款壽司都有唔同嘅調味，先食五款壽司，最特別都係個八爪魚吸盤，爽脆鮮，之後就食一個特別嘅茶碗蒸，干貝蟹肉蒸蛋上面再打一個蟹肉芡同鹹魚子，間一間銀鱈魚嘅油膩。
又食另外4款壽司，其中魴鮄同赤鯥我係第一次食，魴鮄魚肉有紮實清甜，赤鯥火炙之後油脂盡出香甜。即刻上埋個海膽杯俾我，海膽見住師傅拆開鮮海膽，入面仲有蟹肉、拖羅、三文魚籽、醋飯、芥末籽、金箔、綠色一粒粒的係Wasabi 油，呢一杯充滿強烈的海鮮味。
最後3款壽司直入高潮，先上牡丹蝦加埋D頭膏，甜到唔知點形容，之後火炙拖羅加埋紫蘇葉同紫菜，直接交到我手上，都係味濃，但係紫蘇葉又幫你清一清個油膩感，最後俾埋個海膽軍艦我作完結，提一提佢哋嘅紫菜都係處理得非常之好，脆身又有香氣。最後仲有一碗魚湯烏冬，飽嘅可以走烏冬，但湯一定要試，係純濃香嘅魚湯，多多都飲得落。甜食可以揀杯咖啡或甜品：今日係抹茶布甸，好頭有個好尾。
食完記得去個天燈位許願同埋打返個靚卡，係iPad寫底D乜嘢就會顯示喺天燈度。佢哋入面仲有VIP鐵板燒房最平$2000 min charge，計落4個人都得😯
張貼
