一遊

營業中

休息中

今日呢間居酒屋真係要大推地點係尖沙咀諾士佛臺好方便估唔到呢度附近除左有酒吧飲酒吹水重有間居酒屋食日本野吹下🔸燒白飯魚乾❤️將白飯魚仔炸到脆卜卜既小食 配沙律醬🔸八爪魚沙律❤️八爪魚片配上蕃茄汁 蔥花 洋蔥碎酸酸地 感覺好清新 開胃🔸人氣炸雞香蔥汁❤️師傅用特製醬汁醃左雞肉再炸令雞肉炸完都仲好juicy味道甜甜地加埋菜絲一齊食或者送酒都一流🔸鐵板燒蠔❤️來自宮島既生蠔用鐵板燒既方法可以確保唔會過熟蠔味濃郁帶少少酒味，必點🔸海膽油甘魚卷油甘魚本身油份夠，用黎做卷物好適合加上左海膽增加層次感，味道更豐富🔸串燒 ❤️-牛舌 多汁嫰滑-鰻魚 鹽燒比汁燒更加食到鰻魚既原味-豚肉車厘茄卷 爆汁既車厘茄好甜，同豚肉好夾-白金豚肉 肉質細嫰 肥瘦相間，而且豚肉味道非常濃郁 好食🔸土瓶海鮮湯❤️用左蜆肉 蝦 帶子等幾款海鮮煲既清湯非常鮮味入面既海鮮吸收番晒湯汁，好好食🔸壽司十點盛包括赤身，笛鯛，三文魚腩，深海池魚，真鯛，鯖魚，甜蝦，帆立貝，香蔥吞拿魚腩蓉同海膽每款刺身都好新鮮肥味，性格比好高🔸飲品菠蘿杏子酒 荔枝梳打🍀總結環境好靚，打卡一流 食物好好食同好有特色 除左啤酒清酒重有無酒精飲品飲，大推！