Boholic

營業中

休息中

今日同朋友黎左呢間好有波希米亞風既餐廳食晚飯。餐廳裝潢別有用心，非常吸引人黎打卡影相。香煎北海道刺身帶子香草醬意大利麵帶子煎得好甘香軟熟，香草味道好出，配上青豆口感豐富，蕃茄仲好鮮甜，面層仲有芝士薄片，色香咪俱全。法式紅燒牛肋肉松露意大利飯牛肋熟得好軟熟，咬落啖啖肉，燒得好惹味，意大利飯好夠醬汁，飯粒濕潤甘香，醬料好值得一讚，有香濃的蕃茄味，仲帶點辣，好令人開胃。MATCHA LATTEZ，飲落好口感好順滑，味道唔太甜，有抹茶的苦澀回甘。CHOCOLATE，用上全脂牛奶沖製，味道更香濃，配上線條分明的拉花。更令人感到賞心悅目。環境舒適，員工服務態度仲好熱情，下次會再同朋友黎。