心夜來潮 (已結業)

估唔到旺角四通八達咁方便嘅地方都有潮州打冷野食，環境好舒適絕對唔係我地想像中大排檔熱辣辣果種!潮州滷水係必食嘅，我地叫左豬腸豬耳雙拼，鹵得入味又唔會過咸味道剛好，唔會好油膩傳統鴨蛋煎蠔餅好有驚喜，香脆足料蠔唔腥 ，煎到比較薄身唔會太重粉感出面好似好少地方有得食秋葵，想更惹味所以叫左爆炒醬啫秋葵，份量超大食極都食唔完，秋葵食落好爽口又清甜白果胡椒豬肚湯夠曬足料，香濃嘅胡椒味飲到個胃暖曬，放心胡椒味唔會多到灼喉果種。雞都幾嫩，豬肚爽口而且乾淨，飲完唔會口渴應該冇味精朋友介紹嘅果然正啊!