影片
更多
2016-04-23
552 瀏覽
今日去左呢間係筲箕灣天悅廣場附近嘅打冷食晚餐。聽朋友講呢到個肉餅拎過openrice嘅獎，咁應該都唔錯，就打算黎試下。入到去都幾滿，中間有張大檯，可以for多啲人嘅聚會。入面到處貼滿左餐牌，海鮮啊，打冷啊，咩都有咁濟。之後我地就叫左幾個餸 1. 楊州炒飯 ＄58份量好大，同平時茶記嘅差唔多。最好就係配料夠多！4個人食都食唔晒，因為叫了不少小菜～2. 真芝士拉絲蝦丸 ＄98蝦丸炸得剛好，不會有焦，金黃色的好好睇～口感仲好爽口彈牙，應該有唔少蝦肉，打得幾好！芝士味好香，咸咸地，但又出奇地夾喎3. 蜜椒吊燒骨 ＄88呢個好好食，個醬甜甜地。而且肥瘦好均勻，又唔會得骨無肉食4. 潮式爆花蠔餅 ＄78蠔餅炸得幾好，趁熱食，仲好脆。蠔仔數量中等，都幾平均，而且唔會有雪藏味！就算凍左少少再食，都依然好食，鍾意食蠔餅就一定要試下～5. 鮮魷爆牙肉餅 ＄88鮮魷應該係得個面有，但入面就得肉餅，感覺唔係好混合。好似將兩樣野分開左黎食咁。不過肉餅又真係幾彈牙喎！份量仲好多添～6. 蒜蓉炒唐生菜 ＄60簡簡單單小炒，生菜好入味，不錯啊。同屋企人間唔中黎食下都幾好，價錢中上，但食物份量都好多下，所以多人食
聽朋友講呢到個肉餅拎過openrice嘅獎，咁應該都唔錯，就打算黎試下。
入到去都幾滿，中間有張大檯，可以for多啲人嘅聚會。
入面到處貼滿左餐牌，海鮮啊，打冷啊，咩都有咁濟。之後我地就叫左幾個餸
1. 楊州炒飯 ＄58
份量好大，同平時茶記嘅差唔多。最好就係配料夠多！4個人食都食唔晒，因為叫了不少小菜～
2. 真芝士拉絲蝦丸 ＄98
蝦丸炸得剛好，不會有焦，金黃色的好好睇～口感仲好爽口彈牙，應該有唔少蝦肉，打得幾好！
芝士味好香，咸咸地，但又出奇地夾喎
3. 蜜椒吊燒骨 ＄88
呢個好好食，個醬甜甜地。而且肥瘦好均勻，又唔會得骨無肉食
4. 潮式爆花蠔餅 ＄78
蠔餅炸得幾好，趁熱食，仲好脆。蠔仔數量中等，都幾平均，而且唔會有雪藏味！
就算凍左少少再食，都依然好食，鍾意食蠔餅就一定要試下～
5. 鮮魷爆牙肉餅 ＄88
鮮魷應該係得個面有，但入面就得肉餅，感覺唔係好混合。好似將兩樣野分開左黎食咁。
不過肉餅又真係幾彈牙喎！
份量仲好多添～
6. 蒜蓉炒唐生菜 ＄60
簡簡單單小炒，生菜好入味，不錯啊。
同屋企人間唔中黎食下都幾好，價錢中上，但食物份量都好多下，所以多人食應該會更抵～！
張貼
