影片
更多
2021-12-22
32 瀏覽
趁免費坐車日出去走一走，行到中環嘉咸街斜路上，見到有間頗低調嘅Cafe，中文名叫「一念咖啡」入到去同店主閑談左一會得知，原來它們是西環「夏雪」嘅延續，真係有緣份，印象中我喺2016年寫咗一段有關夏雪的食評，今日再到到這裡感覺特別有親切感。店主說明 White 唔係佢哋嘅強項, 所以我今次揀咗佢哋嘅手沖咖啡，當日有四款咖啡豆選擇，店主也問過我的喜好，最終我揀咗一隻比較特別嘅咖啡豆，它來自中國雲南。Hand Drip 店主請我先從杯盤中揀一款自己喜歡嘅杯子，亦是我們所認識嘅 saka 杯。咖啡豆是自家烘焙，這款「雲南咖啡」以淺到中烘焙度。咖啡色澤通透，口感乾爽，味道清新，甜度頗高，甜味來自乾果、桃和香蕉等熟成水果，微滲酒香，基乎沒有酸味，味道夠大眾化，亦很適合我。食物選擇種類不多，當日只有兩款窩夫選擇，我揀左「伯爵茶窩夫」擺盤不馬虎，以花朵作點綴，厚窩夫尚算香脆，食落口感唔錯，配上伯爵茶雪糕，味道Match ，但整體冇太大驚喜。
趁免費坐車日出去走一走，行到中環嘉咸街斜路上，見到有間頗低調嘅Cafe，中文名叫「一念咖啡」
入到去同店主閑談左一會得知，原來它們是西環「夏雪」嘅延續，真係有緣份，印象中我喺2016年寫咗一段有關夏雪的食評，今日再到到這裡感覺特別有親切感。
店主說明 White 唔係佢哋嘅強項, 所以我今次揀咗佢哋嘅手沖咖啡，當日有四款咖啡豆選擇，店主也問過我的喜好，最終我揀咗一隻比較特別嘅咖啡豆，它來自中國雲南。
Hand Drip
店主請我先從杯盤中揀一款自己喜歡嘅杯子，亦是我們所認識嘅 saka 杯。
咖啡豆是自家烘焙，這款「雲南咖啡」以淺到中烘焙度。
咖啡色澤通透，口感乾爽，味道清新，甜度頗高，甜味來自乾果、桃和香蕉等熟成水果，微滲酒香，基乎沒有酸味，味道夠大眾化，亦很適合我。
食物選擇種類不多，當日只有兩款窩夫選擇，我揀左「伯爵茶窩夫」
擺盤不馬虎，以花朵作點綴，
厚窩夫尚算香脆，食落口感唔錯，配上伯爵茶雪糕，味道Match ，但整體冇太大驚喜。
張貼
