泓一拉麵

營業中

休息中

餐廳冇得預訂，🐻當晚未夠7點去到都已經坐滿晒，要係門口排隊，等左25分鐘左右。湯頭用左W湯頭做法，用日本地雞、豚骨、混合昆布、煮干、鰹魚熬製而成。⭐️豚x雞白湯拉麵🍜 $105湯頭呈奶白色，打過泡後口感綿密更掛汁，雞味濃度中等，唔屬於好濃厚果種。拉麵選用多加水麵，麵條含水量高達38%，口感幼滑彈牙。拉麵有雞肉、豚肉、溫泉蛋、筍。慢煮雞肉同豚肉冇多餘既脂肪同調味，肉質軟嫩，可以浸落湯頭再食。溫泉蛋既流心好靚，蛋味幾香好好味。⭐️地雞鹽味拉麵🍜 $108對比雞白湯呢款冇咁濃，湯頭清而不膩，入口感覺舒服，口感較清爽，唔會死鹹，可以加少少生蒜🧄提升味道。拉麵有雞肉、豚肉、溫泉蛋、筍。⭐️葡萄梳打汽水🍇 $28⭐️柚子梳打汽水🍊 $28日本進口，水果味道唔假，食完拉麵飲感覺清爽。