The Roundhouse Taproom (已結業)

某日放工happy hour同朋友黎左呢間係soho區既the  roundhouse taproom。餐廳係條斜坡上面，差啲就miss左，大家如果要黎，認住呢個掛牌呢。入面就係好典型既酒吧設計，一入到黎就好想食酒嚕。今日我地黎有set combo買一送一既優惠，超級抵！所以我地揀左2個combo a就可以試哂4個餸：其實呢個份量可以直接當係晚餐，仲可以揀2份配菜。整體黎講味道算係比較咸，但係加埋酒食就覺得岩岩好。我地點左個beer plater可以試到多啲啤，如果唔知飲咩好，店員好樂意幫你介紹。雖然係mini size但係1人要飲3杯都幾吃力，我本身因為怕苦比較少飲啤酒，不過店員幫我地揀既大部分都清清地，而且飲得出果香，好滿意佢既介紹呢。