金記冰室 (創紀之城五期(apm)) (已結業)

去到APM都唔知食咩好唯有試吓呢一間從未食過嘅冰室一間冰室行少少懷舊風但係食物上邊呢就有一啲fusion.咁餐廳嘅裝修唔算話好特別而且佢啲座位對住商場外面喺出邊等位排隊食元氣嘅人都會望住我地食飯呢樣嘢就唔係幾好啦。不過整體我哋都係講返食物質素啦我哋分別就帶咗一個鮮茄焗豬扒飯同埋夏威夷雜菜海鮮闊條麵。個闊條麵係會有跟餐湯嘅，我就揀咗中湯種湯應該係薯仔紅蘿蔔豬展湯。個湯一般啦用了好似好足夠嘅但係飲唔出個火候味。另外當日嘅晚餐都有配飲品我覺得隻杯幾特別haha由於當晚闊條麵賣晒所以就轉咗做意粉意粉煮嘅硬度我覺得適中嘅但係調味就唔係好夠，茄汁好少好少，而且雜菜係其中一個重點但係一眼睇晒剩係得兩三條菜同埋小小嘅蕃茄就冇啦，呢一個係令我非常之失望海鮮一樣都冇乜幾多，青口兩隻大蝦兩隻仲有一少條魷魚就冇啦，呢一個價錢我認為出邊俾佢做得更好。呢一個焗豬扒飯啲豬肉比較鬆軟無乜筋，算唔錯嘅但係個蛋同埋啲飯就唔合格啦。啲飯好硬，仲有啲蛋散開晒，完全難以入口真係冇下次。