影片
更多
2023-08-26
31 瀏覽
泰簡單價錢💲: $80/ $92/ $128/ $105好味程度😋: 3.4/5服務🍴: 3.7/5環境🗾: 3.7/5性價比🥢: 4/5回頭率😚: 3.3/5-銅鑼灣都幾多泰國菜，今次試做呢間位於總統戲院上面一樓的一間，平日夜晚都坐滿，睇來幾高人氣。望望個menu，價錢又真係唔貴，裝修OK，都難怪咁多人食。不過食完後覺得佢哋的味道比較重，適合接受濃味的朋友🤔-✅醃鳳爪。味道同其他菜式一樣比較鹹，好彩都夠酸所以容易入口。鳳爪已經醃到入味，除左普通酸辣，仲食到好多香菜的香味，因為有好多洋蔥、西芹、芫茜等😗-🆗細冬陰功。呢份細碗適合兩個人分，大約每人都有一碗半。第一啖飲落去覺得好濃味好正，夠酸夠辣😏 但飲落就覺得偏鹹…入面有好多菇，索晒啲湯！成碗仲有一隻蝦，開左半邊，可惜新鮮程度一般，肉質可以爽彈d😳-✅蟹肉炒飯。蟹肉炒飯入面的蟹肉有d隱約，唔係好明顯🥺但炒飯炒得唔錯，夠鍋起同乾爽，食落香氣十足😝同埋落好多蛋去炒，呢樣對於炒飯來講都好重要！-✅馬拉盞炒通菜。馬拉盞炒通菜正常發揮，係幼身青通菜，夠爽脆🥸味道唔會太鹹，食到蝦乾的鹹鮮味。-🆗心有靈犀。粉紅色的顏色來自石榴汁，飲落係好似雜過賓治咁
價錢💲: $80/ $92/ $128/ $105
好味程度😋: 3.4/5
服務🍴: 3.7/5
環境🗾: 3.7/5
性價比🥢: 4/5
回頭率😚: 3.3/5
-
銅鑼灣都幾多泰國菜，今次試做呢間位於總統戲院上面一樓的一間，平日夜晚都坐滿，睇來幾高人氣。望望個menu，價錢又真係唔貴，裝修OK，都難怪咁多人食。不過食完後覺得佢哋的味道比較重，適合接受濃味的朋友🤔
-
✅醃鳳爪。味道同其他菜式一樣比較鹹，好彩都夠酸所以容易入口。鳳爪已經醃到入味，除左普通酸辣，仲食到好多香菜的香味，因為有好多洋蔥、西芹、芫茜等😗
-
🆗細冬陰功。呢份細碗適合兩個人分，大約每人都有一碗半。第一啖飲落去覺得好濃味好正，夠酸夠辣😏 但飲落就覺得偏鹹…入面有好多菇，索晒啲湯！成碗仲有一隻蝦，開左半邊，可惜新鮮程度一般，肉質可以爽彈d😳
-
✅蟹肉炒飯。蟹肉炒飯入面的蟹肉有d隱約，唔係好明顯🥺但炒飯炒得唔錯，夠鍋起同乾爽，食落香氣十足😝同埋落好多蛋去炒，呢樣對於炒飯來講都好重要！
-
✅馬拉盞炒通菜。馬拉盞炒通菜正常發揮，係幼身青通菜，夠爽脆🥸味道唔會太鹹，食到蝦乾的鹹鮮味。
-
🆗心有靈犀。粉紅色的顏色來自石榴汁，飲落係好似雜過賓治咁，有氣的😎
-
整體不過不失，見到佢哋的lunch set更加抵食，會更加想係午餐去食！
-
張貼
