影片
更多
2014-04-07
1646 瀏覽
前日(5-4-2014 Sat)清明節,男友約o左業主晏晝兩點幾到美孚傾o野,我o地又好晏王食早餐,咁就o岩啦,晏一晏去食住o野等佢就好.我o地諗住再去磯陣(http://www.openrice.com/restaurant/sr2.htm?shopid=50387&tc=sr1),點知男友話佢朋友同佢講已經執o左. 執o左?咁美孚都重重幾間日本o野食o既,我o地去到百老匯街平台,發現冇.就只有一家大啲o既上海飯店同細啲o既上海麵舖,男友就決定食上海飯店.當時接近兩點,裡面啲客都開始走,一個著恤衫o既高佻男職員問男友幾多位,男友答兩位.佢就拉開一架放污糟餐具o既車仔,叫我o地坐o個張二人枱.男友話一陣有個朋友o黎坐低傾o野,問可唔可以坐四人枱?佢話佢一陣o黎到我拉多張枱o黎.男友講多一次,佢仍堅決.我同男友都覺得唔係幾開心,男友話咁唔該晒,唔使喇.轉身走人.終於佢都肯俾我o地坐一張四人枱.其實我o地入到去,都見到有兩枱人係兩人坐四人枱,點解係都要迫我o地坐二人枱?如果你話人客多,好o既,我o地接受亦唔阻你做生意,但唔係囉.坐低後開o左茶,我o地睇食咩野,睇吓menu,啲o野唔平,而被
我o地諗住再去磯陣(http://www.openrice.com/restaurant/sr2.htm?shopid=50387&tc=sr1),點知男友話佢朋友同佢講已經執o左. 執o左?咁美孚都重重幾間日本o野食o既,我o地去到百老匯街平台,發現冇.就只有一家大啲o既上海飯店同細啲o既上海麵舖,男友就決定食上海飯店.
當時接近兩點,裡面啲客都開始走,一個著恤衫o既高佻男職員問男友幾多位,男友答兩位.佢就拉開一架放污糟餐具o既車仔,叫我o地坐o個張二人枱.男友話一陣有個朋友o黎坐低傾o野,問可唔可以坐四人枱?佢話佢一陣o黎到我拉多張枱o黎.男友講多一次,佢仍堅決.
我同男友都覺得唔係幾開心,男友話咁唔該晒,唔使喇.轉身走人.終於佢都肯俾我o地坐一張四人枱.其實我o地入到去,都見到有兩枱人係兩人坐四人枱,點解係都要迫我o地坐二人枱?如果你話人客多,好o既,我o地接受亦唔阻你做生意,但唔係囉.
坐低後開o左茶,我o地睇食咩野,睇吓menu,啲o野唔平,而被我見到有午市商務自選套餐,我o地要$133.00兩餸一湯,兩碗白/菜飯o既,叫人落單,另一個男侍應(大叔)應我,然後我順便請佢幫穿我倒去洗o左餐具o既水,點知佢就咁行o左去.我就再叫另一個女仔,佢又問返我重有咩o野須要?我叫個女仔幫我倒水,個大叔就話拎個碗俾你囉.=.=”大佬,我見你粗聲粗氣,行o左去又冇反應,咪叫過第二個囉.
之後我o地o既o野食o黎喇,有:
3. 糖醋魚塊
顏色幾靚,獻汁o岩o岩夠,魚塊唔算好脆,肉都幾滑,不過食到最後我覺得有少少霉,但糖醋味道調得o岩o岩好,酸甜味均衡.味道: 4.5分
2. 口水雞翼
我驚好辣,不過男友想食就就佢啦,而且係佢肚餓過我.不過我都試試,呢個其實係花雕醉雞翼加口水醬料落去,碟底啲汁辣辣地,而雞翼呢,我食到麻o既感覺,但唔太辣,凍雞雞皮爽滑,男友話雞肉有啲o鞋,可能煮過龍啦.不過個汁o既味道雖然唔係我想像中複雜,但都算幾正,所以男友同我食完之後,都叫女侍應俾個發泡膠碗我o地拎走.味道: 4分
1. 雲腿津白湯
呢個幾熱,個湯清甜又冇乜油,津白軟硬度適中,都算唔錯.味道: 3.8分
菜飯兩碗
唔算好大碗,軟硬度亦適中,食到菜o既甜味,OK.味道: 3分
食完後,因為業主遲遲未到,我o地又唔想好似呃佢o地咁,於是叫多樣o野食,叫o左$26.00四隻o既小籠包.
呢個都等o左一陣至到,熱騰騰o既,
呢個味道正常,內裡都有好多汁.而男友夾起時,佢係咁搖,皮都唔會穿,幾好喎.味道: 4分
服務:
經過上面講令人唔係幾舒服務後,我o地為免叫個大叔,就次次叫女侍應,就連後加小籠包,男友趁我係叫個女侍應,至夠膽開聲話想拎走啲汁.
其實我o地叫咁多o野,二人枱係擺唔到真係唔明點解佢o地要咁做.
張貼
