影片
更多
2012-02-12
51 瀏覽
呢間野好唔好食我最終無福消受，但係服務質素係我呢世人遇到最差最冇品既聽聞呢間野幾出名，所以趁星期日一家大細共6大3小去幫趁，當時大約2點45分左右，等左一陣位都有位坐啦，不過一問之下，牛腩牛肚魚皮都冇晒啦，咁算啦，叫左幾碗魚蛋河啦。都知道出名既舖頭唔休做啦，係要等既，咁等啦，等左大約20分鐘到都未有河粉到，因為同行的小朋友喊肚餓，所以追下單睇下d野有未，點知負責傳菜果個大叔好大聲咁喝：「係咁架啦，小朋友就唔駛等丫，呢度全部人都係度等緊，淨係得你食等丫，要食就要等架啦？」就係咁出事啦，得罪左果個燥狂既傳菜大叔，咁佢跟住係咁俾粉其他人，但係始終唔肯俾我地果枱，其他有4-5枱既客人係佢地d熟客黎，我地都絕對認得係遲過我地入黎同叫食物既，都有得食，係我地冇，咁我地同果個燥狂大叔講話其他人遲過我地入都有啦，點解我地冇，佢反應就更大，係咁好大聲咁話我地：「d人我認得晒，我跟order做啫，你要食就等啦，呢度個個人都等架啦，唔鐘意等嘛唔好食囉，我做唔起你生意呀！」跟住佢就係咁俾其他人唔俾我地果枱，大約再過多20分鐘，我心知道佢擺明玩野想走啦，但係老人家唔忿氣，咁惟有等啦，但係小朋友好肚餓，同侍應講，
聽聞呢間野幾出名，所以趁星期日一家大細共6大3小去幫趁，當時大約2點45分左右，等左一陣位都有位坐啦，不過一問之下，牛腩牛肚魚皮都冇晒啦，咁算啦，叫左幾碗魚蛋河啦。
都知道出名既舖頭唔休做啦，係要等既，咁等啦，等左大約20分鐘到都未有河粉到，因為同行的小朋友喊肚餓，所以追下單睇下d野有未，點知負責傳菜果個大叔好大聲咁喝：「係咁架啦，小朋友就唔駛等丫，呢度全部人都係度等緊，淨係得你食等丫，要食就要等架啦？」
就係咁出事啦，得罪左果個燥狂既傳菜大叔，咁佢跟住係咁俾粉其他人，但係始終唔肯俾我地果枱，其他有4-5枱既客人係佢地d熟客黎，我地都絕對認得係遲過我地入黎同叫食物既，都有得食，係我地冇，咁我地同果個燥狂大叔講話其他人遲過我地入都有啦，點解我地冇，佢反應就更大，係咁好大聲咁話我地：「d人我認得晒，我跟order做啫，你要食就等啦，呢度個個人都等架啦，唔鐘意等嘛唔好食囉，我做唔起你生意呀！」
跟住佢就係咁俾其他人唔俾我地果枱，大約再過多20分鐘，我心知道佢擺明玩野想走啦，但係老人家唔忿氣，咁惟有等啦，但係小朋友好肚餓，同侍應講，又俾佢地鬧，「想食又唔肯等，咁我淨係做你生意丫！」
最後終於同我地講：「嗱，而家d粉賣晒啦，得番2碗粉啫，你仲要唔要丫？」後面仲有咁多人等食，點解淨係我地得2碗？擺明玩野啦，所以最後我地冇食起身走，前後等左約60分鐘，d小朋友就餓到冇晒力，我地即刻急急腳去隔離茶餐廳醫肚。
我明白呢間野唔休做，想食梗係要等啦，但係佢想同我地鬥氣冇理由累埋d細路仔冇得食架，咁冇職業道德既。
其實我之前係去開大埔街市另一間都出名既魚蛋粉既，果間都係要等好耐，等20分鐘都試過，但係人地真係跟柯打時間派既，唔係淨係俾熟客，仲要咁殘忍對待d細路仔。同埋人地都係唔休做，不過就算d客追單都唔會咁鬧人囉。真係俾個心做飲食，除左食物，都要有職業道德，否則d野幾好食都冇用(雖然我最後都冇法知道佢d野好唔好食)
張貼